കാസർകോട്: കാഞ്ഞങ്ങാട് അധ്യാപകൻ കിണറിൽ വീണു മരിച്ചു. പെരിയ, വടക്കേക്കരയിലെ നടുവിൽവീട്ടിൽ പുരുഷോത്തമൻ നായർ (64) ആണ് മരിച്ചത്. വ്യാഴം രാവിലെയാണ് സംഭവം. വെള്ളം കോരുന്നതിനിടെ കാൽതെറ്റി കിണറിലേയ്ക്ക് വീഴുകയായിരുന്നു.
ഏറെ നേരം കഴിഞ്ഞിട്ടും പുരുഷോത്തമനെ കാണാത്തതിനെ തുടർന്ന് നടത്തിയ അന്വേഷണത്തിൽ കിണറ്റിൽ കയർ താഴ്ന്ന നിലയിൽ കണ്ടെത്തി. തുടർന്ന് അഗ്നിരക്ഷാസേനയെ വിവരമറിച്ചു. ശേഷം നടത്തിയ തിരച്ചിലിലാണ് പുരുഷോത്തമന്റെ മൃതദേഹം കണ്ടെത്തിയത്. ഭാര്യ: ശോഭ .മക്കൾ: സച്ചിൻ കൃഷ്ണ, ശ്വേത. പാരലൽ കോളേജ് അധ്യാപകനാണ് പുരുഷോത്തമൻ നായർ.