കാണാതായ മലപ്പുറം സ്വദേശി വ്ലോഗർ ദിൽഷാദിനെ കണ്ടെത്തി. മേഘാലയില് നിന്നാണ് കണ്ടെത്തിയത്. ബൈക്ക് അപകടത്തില് പെട്ട് മേഘാലയയിലെ ആശുപത്രിയില് ചികിത്സയിലാണ് ദില്ഷാദ്. ആരോഗ്യനില മെച്ചപ്പെടുന്ന സാഹചര്യത്തിൽ നാട്ടിലെത്തിക്കും. വനമേഖലയോട് ചേർന്ന ഭാഗത്ത് നിന്നാണ് കണ്ടെത്തിയത്.
‘യാത്ര ടുഡേ’ എന്ന യൂട്യൂബ് ചാനലിന്റെ ഉടമയാണ് ഇദ്ദേഹം. മലപ്പുറം ചെലേമ്പ്ര സ്വദേശിയായ ദില്ഷാദ് ഈ മാസം ആറിനാണ് വീട്ടില് നിന്നും യാത്ര പോയത്. 22ാം തീയതി വരെ സോഷ്യല് മീഡിയയില് സജീവമായിരുന്നു. തുടർന്ന് യാതൊരു വിവരവുമില്ലെല്ലാത്തതിനെ തുടർന്ന് കുടുംബം തേഞ്ഞിപ്പലം പോലീസില് പരാതി നല്ക്കുകയായിരുന്നു.