ശരീരത്തിലെ ചില കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യുന്ന ഒരു രോഗമാണ് ക്യാൻസർ. ജീവിതശെെലിയിൽ ചില മാറ്റങ്ങൾ വരുത്തുന്നത് ക്യാൻസറിനെ ഒരു പരിധി വരെ തടയാൻ സാധിക്കും.
ക്യാൻസർ സാധ്യത കുറയ്ക്കുന്ന ആറ് ദൈനംദിന ശീലങ്ങൾ
ആരോഗ്യകരവും സമീകൃതവുമായ ഭക്ഷണക്രമം ക്യാൻസർ സാധ്യത കുറയ്ക്കുന്നു
പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ പ്രോട്ടീൻ എന്നിവ അടങ്ങിയ ഭക്ഷണം കഴിക്കുന്നതിൽ ശ്രദ്ധ കേന്ദ്രീകരിക്കുക. സംസ്കരിച്ച ഭക്ഷണങ്ങൾ, ചുവന്ന മാംസം (red meat), മധുരം ചേർത്ത പാനീയങ്ങൾ എന്നിവയുടെ ഉപയോഗം കുറയ്ക്കാൻ ശ്രമിക്കുക. ആരോഗ്യകരവും സമീകൃതവുമായ ഒരു ഭക്ഷണക്രമം, ആരോഗ്യകരമായ ശരീരഭാരം നിലനിർത്താനും മറ്റ് ആരോഗ്യപരമായ അപകടസാധ്യതകൾ നിയന്ത്രിക്കാനും സഹായിക്കും.
ഓരോ ആഴ്ചയും കുറഞ്ഞത് 150 മിനിറ്റ് മിതമായ വ്യായാമം ശീലമാക്കുക
ഹോർമോണുകളെ ക്രമീകരിക്കാനും ശരീരത്തിലെ വീക്കം കുറയ്ക്കാനും സഹായിക്കുന്നതിനായി ഓരോ ആഴ്ചയും കുറഞ്ഞത് 150 മിനിറ്റ് മിതമായ വ്യായാമമോ (വേഗത്തിലുള്ള നടത്തം, സൈക്ലിംഗ് തുടങ്ങിയവ) അല്ലെങ്കിൽ 75 മിനിറ്റ് തീവ്രമായ വ്യായാമമോ ശീലമാക്കുക.
ആരോഗ്യകരമായ ശരീരഭാരം നിലനിർത്തുക എന്നുള്ളതാണ് മറ്റൊരു കാര്യം
ആരോഗ്യകരമായ ശരീരഭാരം നിലനിർത്തുക എന്നുള്ളതാണ് മറ്റൊരു കാര്യം. ശരീരത്തിലെ അമിത കൊഴുപ്പ് നിയന്ത്രണവിധേയമാക്കുക. കാരണം, അമിതവണ്ണം ഇൻസുലിൻ, ഈസ്ട്രജൻ എന്നിവയുടെ അളവിൽ മാറ്റം വരുത്തുകയും അതുവഴി കോശങ്ങളുടെ വളർച്ച വേഗത്തിലാക്കുകയും ചെയ്യുന്നു.
മാനസിക സമ്മർദ്ദം നിയന്ത്രിക്കാൻ പ്രത്യേകം ശ്രദ്ധിക്കുക
മാനസിക സമ്മർദ്ദം നിയന്ത്രിക്കാൻ പ്രത്യേകം ശ്രദ്ധിക്കുക. രോഗപ്രതിരോധ സംവിധാനത്തെ ശക്തിപ്പെടുത്തുന്നതിനായി ധ്യാനം, ആഴത്തിലുള്ള ശ്വസനരീതികൾ, പതിവായുള്ള വ്യായാമങ്ങൾ തുടങ്ങിയവ പതിവാക്കുക.
ചിലതരം ക്യാൻസറുകളെ തടയാൻ വാക്സിനുകൾ സഹായിക്കും
ചിലതരം ക്യാൻസറുകളെ തടയാൻ വാക്സിനുകൾ സഹായിക്കും. ഉദാഹരണത്തിന്, ഗർഭാശയമുഖ ക്യാൻസർ (cervical cancer) അടക്കമുള്ളവയുടെ സാധ്യത കുറയ്ക്കുന്ന എച്ച്.പി.വി. (HPV) വാക്സിനും, കരൾ ക്യാൻസറിനെതിരെ സംരക്ഷണം നൽകുന്ന ഹെപ്പറ്റൈറ്റിസ് ബി വാക്സിനും എടുക്കുക.
ദിവസവും ഏഴോ എട്ടോ മണിക്കൂർ ഉറക്കം ലഭിക്കുന്നുണ്ടെന്ന് ഉറപ്പ് വരുത്തുക
ദീർഘകാല ഉറക്കക്കുറവ് ചില ക്യാൻസറുകളുടെ സാധ്യത വർദ്ധിപ്പിക്കും. മോശം ഉറക്കവും ക്യാൻസറും തമ്മിൽ സങ്കീർണ്ണമായ, പരസ്പരബന്ധിതമായ ഒരു ബന്ധമാണുള്ളത്. ഉറക്കക്കുറവ് ക്യാൻസർ സാധ്യത കൂട്ടാം.
