പട്ടാഴി: പട്ടാഴി പുളിവിളയില് വയോധികയുടെ സ്വര്ണമാല കവര്ച്ച ചെയ്ത കേസിലെ പ്രതിയെ കുന്നിക്കോട് പോലീസ് അറസ്റ്റ് ചെയ്തു. പത്തനംതിട്ട കടമ്പനാട് മണ്ണടി തനിമ ഹൗസില് ഹമീദ് (64) നെയാണ് കുന്നിക്കോട് പോലീസ് സ്റ്റേഷന് എസ്എച്ച്ഒ ഹരിചന്ദ് കെ.ആര്. ന്റെ നേത്യത്വത്തില് സബ് ഇന്സ്പെക്ടര്മാരായ പി. അനില്കുമാര്, കെ.എസ്. മധുസൂദനന്പിളള, സിപിഒമാരായ സാനി, സുബിന്, വിനില് എന്നിവര് ചേര്ന്ന് അറസ്റ്റ് ചെയ്തത്. പത്തനാപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി മുന്പാകെ ഹാജരാക്കിയ പ്രതിയെ റിമാന്ഡ് ചെയ്തു.