Advertisement
ജില്ലയിലെ ഏറ്റവും മികച്ച ഗ്രന്ഥശാലയ്ക്കുള്ള പുത്തൂർ സോമരാജൻ പുരസ്കാരം ചവറ വികാസ് ലൈബ്രറിക്ക് സമർപ്പിച്ചു. കൊല്ലം ജില്ലാ ലൈബ്രറി കൗൺസിൽ ഏർപ്പെടുത്തിയ പുരസ്കാര സമർപ്പണം ഡോ. വള്ളിക്കാവ് മോഹൻദാസ് നിർവഹിച്ചു. പതിനായിരം രൂപയും ആശ്രാമം സന്തോഷ് രൂപകൽപ്പന ചെയ്ത ശില്പവും പ്രശസ്ത പത്രവും ആണ് അവാർഡ്. ജില്ലാ ലൈബ്രറി കൗൺസിൽ പ്രസിഡന്റ് കെ. ബി മുരളി കൃഷ്ണൻ അധ്യക്ഷത വഹിച്ചു. ജില്ലാ സെക്രട്ടറി താലൂക്ക് ലൈബ്രറി കൗൺസിൽ പ്രസിഡന്റ് കടത്തൂർ മൻസൂർ, സെക്രട്ടറി വി.വിജയകുമാർ, ഗ്രാമപഞ്ചായത്ത് പ്രസിഡന്റ് അംബിക ദേവി, ഗ്രാമപഞ്ചായത്ത് അംഗം എം.സുശീല, ലൈബ്രറി സെക്രട്ടറി വി. ബാബു രാജേന്ദ്രൻ പിള്ള, പ്രസിഡന്റ് ആർ. ഗോപിനാഥൻ നായർ എന്നിവർ പങ്കെടുത്തു.
