‘ചിലവുചുരുക്കി’,സര്‍ക്കാര്‍ 24 ഇന്നോവ വാങ്ങുന്നു

തിരുവനന്തപുരം.കേരള സർക്കാർ 24 പുതിയ ടൊയോട്ട ഇന്നോവ ഹൈക്രോസ് കാറുകൾ വാങ്ങാൻ തീരുമാനിച്ചു. ഇതിനായി 9.60 കോടി രൂപയാണ് അനുവദിച്ചിട്ടുള്ളത്.

മന്ത്രിമാർക്കും ചീഫ് സെക്രട്ടറിക്കുമായി 22 കാറുകളും, പ്രോട്ടോക്കോൾ വിഭാഗത്തിന് അതിഥികൾക്കായി 2 കാറുകളുമാണ് വാങ്ങുന്നത്. നിലവിൽ ഉപയോഗിക്കുന്ന വാഹനങ്ങൾക്ക് കാലപ്പഴക്കം വന്നതും അറ്റകുറ്റപ്പണിക്ക് കൂടുതൽ ചിലവ് വരുന്നതുമാണ് പുതിയവ വാങ്ങാൻ കാരണമെന്നാണ് വിശദീകരണം. വാഹനങ്ങൾ വാങ്ങുന്നതിനുള്ള ചുമതല ടൂറിസം വകുപ്പിനാണ് നൽകിയിരിക്കുന്നത്.