പാലക്കാട്: ഏറെ നാളുകളായി അവശനിലയിൽ കഴിയുകയായിരുന്ന മംഗലാംകുന്ന് ഗണേശൻ ആന ചെരിഞ്ഞു . ജൂലൈ മാസം 12ന് ശ്രീകൃഷ്ണപുരം മംഗലാംകുന്നിൽ നടത്തിക്കുന്നതിനിടെ ഗണേശൻ കുഴഞ്ഞു വീണിരുന്നു. ഈ വീഴ്ചയിൽ നിന്ന് ഗണേശൻ പിന്നീട് എണീറ്റില്ല. മംഗലാംകുന്നിലെ ആനത്തറിയിൽ ചികിത്സയിൽ കഴിയവേയാണ് ഗണേശൻ ചെരിഞ്ഞത്. ആനപ്രേമികളുടെ ആവേശമായിരുന്നു മംഗലാംകുന്ന് ഗണേശൻ.
മാതംഗലീലയിൽ പറയുന്ന ലക്ഷണങ്ങളിൽ പലതും ഒത്തിണങ്ങിയ ആനയെന്ന നിലയിൽ ഹസ്തശാസ്ത്രകാരന്മാർക്കിടയിലും മംഗലാംകുന്ന് ഗണേശൻ പ്രശസ്തനായിരുന്നു. മംഗലാംകുന്ന് ഗണേശൻ മുമ്പ് വളയം ഗണേശൻ എന്നും ഗുരുജി അനന്തരാമൻ എന്നും അറിയപ്പെട്ടിരുന്നു.