അടൂർ പ്രകാശിന്റെ വിമർശനത്തിന് മന്ത്രി റോജി എം ജോണിന്റെ മറുപടി
കൂടിയാലോചിച്ചു തന്നെയാണ് സർക്കാർ മുന്നോട്ടുപോകുന്നത്
മുഖ്യമന്ത്രി പ്രതികരിക്കേണ്ട സമയത്ത് പ്രതികരിക്കും.
ചാനലുകൾ ആവശ്യപ്പെടുമ്പോലെ ഒരു ദിവസം മൂന്നുനേരം പ്രതികരിക്കാൻ കഴിയുമോ?
അതൊക്കെ യുഡിഎഫിലെ ഉത്തരവാദിത്തപ്പെട്ടവർ നോക്കിക്കൊള്ളും; മന്ത്രി കൂട്ടിച്ചേർത്തു.
മുന്നണിയിൽ കൂടിയാലോചന ഇല്ലെന്ന് കൺവീനർ അടൂർ പ്രകാശ് തുറന്നടിച്ചിരുന്നു. ബോർഡ്-കോർപറേഷൻ പദവികൾ തീരുമാനിച്ചത് താനറിയാതെയാണ്. മാധ്യമങ്ങളിലൂടെ മാത്രം ബോർഡ്-കോർപ്പറേഷൻ നിയമനങ്ങളെക്കുറിച്ച് അറിഞ്ഞത് ദുഖമുണ്ടാക്കി. തന്റെ അതൃപ്തി AICC നേതൃത്വത്തെ അറിയിക്കും. മുഖ്യമന്ത്രിയുടെ വിമാനയാത്ര അടക്കമുള്ള വിഷയങ്ങളിൽ കെപിസിസിയുമായി ചർച്ചകൾ ഉണ്ടാകണമെന്നും തദ്ദേശ ഉപതിരഞ്ഞെടുപ്പിൽ വേണ്ട തരത്തിലുള്ള കോർഡിനേഷൻ ഉണ്ടായില്ലെന്നും വൈദ്യുതി പ്രതിസന്ധി ജനങ്ങൾക്കിടയിൽ അസംതൃപ്തി ഉണ്ടാക്കിയെന്നും അടൂർ പ്രകാശ് പറഞ്ഞിരുന്നു .
അതേസമയം, തലസ്ഥാനത്ത് നടന്ന സംഭവങ്ങൾ ദൗർഭാഗ്യകരമാണെന്ന് മന്ത്രി റോജി എം ജോൺ പറഞ്ഞു. ഗ്യാനേഷ്കുമാറിനെതിരെ സമരം ചെയ്യുമ്പോൾ എസ്എഫ്ഐകാർക്കാണ് വെപ്രാളം. ബിയർ കുപ്പികൾകൊണ്ടെറിയുകയാണ്. മന്ത്രി ജനിഷിനെതിരെയുണ്ടായ ഡിവൈഎഫ്‌ഐയുടെ ആക്രമണം ജനാധിപത്യവിരുദ്ധമാണ്. യൂണിവേഴ്സിറ്റി ഹോസ്റ്റിൽ വിദ്യാർഥികൾ അല്ലാത്തവർ താമസിക്കുന്നത് അന്വേഷിക്കുമെന്നും അദ്ദേഹം പറഞ്ഞു.
