കൊല്ലം. തിരയില്‍പ്പെട്ട് മധ്യവയസ്‌കരായ സ്ത്രീയും പുരുഷനും മരിച്ചു. മടവൂര്‍ പള്ളിക്കല്‍ സ്വദേശി ഓമനക്കുട്ടന്‍ (50), പരവൂര്‍കുറുമണ്ടല്‍ പുഞ്ചിറക്കുളം സൂര്യാസില്‍ ആര്‍.ലതിക (50) എന്നിവരാണു മരിച്ചത്. ബുധനാഴ്ച വൈകിട്ട് മൂന്ന് മണിയോടെ മുണ്ടയ്ക്കല്‍ പാപനാശത്താണ് ഇരുവരും തിരയില്‍പ്പെട്ടത്. പുലിമുട്ടുകള്‍ക്ക് ഇടയിലുള്ള മണല്‍പ്പരപ്പില്‍ ഇരിക്കുമ്പോഴാണ് തിരമാലകള്‍ ശക്തിയായി അടിച്ചു കയറിയത്. ഈ സമയം ഇവിടെ മറ്റാരും ഇല്ലായിരുന്നതിനാല്‍ അപകടവിവരം ആരുമറിഞ്ഞില്ല. നിലവിളി കേട്ട് സമീപവാസികളായ യുവാക്കളെത്തിയപ്പോഴാണ് ഇരുവരും കടലില്‍ വീണത് അറിഞ്ഞത്. ഉടന്‍ തന്നെ യുവാക്കള്‍ ചേര്‍ന്ന് ഇരുവരെയും കരയ്‌ക്കെത്തിച്ച് സിപിആര്‍ നല്‍കി കൊല്ലം ജില്ലാ ആശുപത്രിയില്‍ എത്തിച്ചു. അപ്പോഴേക്കും മരിച്ചു. ഇവര്‍ വന്ന ബൈക്ക് റോഡരികില്‍ നിന്നും കണ്ടെത്തി.
ഓണത്തിനുള്ള വസ്ത്രങ്ങളും ഇരുവരുടെയും മൊബൈല്‍ ഫോണുകളും വാഹനത്തിലുണ്ടായിരുന്നു. ഇതാണ് ഇരുവരെയും തിരിച്ചറിയാന്‍ സഹായിച്ചത്. പൊലീസ് എത്തി ഫോണിലൂടെ ഇവരുടെ ബന്ധുക്കളെ വിളിച്ചാണ് അപകട വിവരം അറിയിച്ചത്. മൃതദേഹങ്ങള്‍ ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഈസ്റ്റ് പൊലീസ് കേസെടുത്തു. മുന്നറിയിപ്പ് ബോര്‍ഡുകള്‍ പോലും അവഗണിച്ച് പുലിമുട്ടുകള്‍ക്ക് സമീപം ആളുകള്‍ പോകുന്നത് അപകടങ്ങള്‍ ക്ഷണിച്ചുവരുത്തുകയാണ്.
ഓണത്തിനുള്ള വസ്ത്രങ്ങളും ഇരുവരുടെയും മൊബൈല്‍ ഫോണുകളും വാഹനത്തിലുണ്ടായിരുന്നു. ഇതാണ് ഇരുവരെയും തിരിച്ചറിയാന്‍ സഹായിച്ചത്. പൊലീസ് എത്തി ഫോണിലൂടെ ഇവരുടെ ബന്ധുക്കളെ വിളിച്ചാണ് അപകട വിവരം അറിയിച്ചത്. മൃതദേഹങ്ങള്‍ ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഈസ്റ്റ് പൊലീസ് കേസെടുത്തു. മുന്നറിയിപ്പ് ബോര്‍ഡുകള്‍ പോലും അവഗണിച്ച് പുലിമുട്ടുകള്‍ക്ക് സമീപം ആളുകള്‍ പോകുന്നത് അപകടങ്ങള്‍ ക്ഷണിച്ചുവരുത്തുകയാണ്.
