പിടികിട്ടാപ്പുള്ളി സുകുമാരക്കുറുപ്പിനായുള്ള അന്വേഷണം അവസാനിപ്പിക്കാൻ ക്രൈം ബ്രാഞ്ച്. കേസ് ഫയൽ അവസാനിപ്പിക്കാനാണ് നീക്കം. ഇതു സംബന്ധിച്ച റിപ്പോർട്ട് അന്വേഷണസംഘം ക്രൈംബ്രാഞ്ച് മേധാവിക്ക് നൽകും.

സുകുമാരക്കുറുപ്പിനായിള്ള അന്വേഷണം ഉന്നതതല ചർച്ചയ്ക്കു ശേഷമായിരിക്കും അവസാനിപ്പിക്കുക. സുകുമാര കുറുപ്പ് ജീവിച്ചിരിപ്പില്ലെന്ന നിഗമനത്തിലേക്കാണ് ഇതോടെ ക്രൈംബ്രാഞ്ച് എത്തിയിരിക്കുന്നത്.

ഹൃദ്രോഗത്തെ തുടർന്ന് വർഷങ്ങൾക്ക് മുൻപ് മരിച്ചിരിക്കാമെന്നാണ് നിഗമനം.
ഉന്നത ആലോചനയ്ക്ക് ശേഷമാണ് അന്വേഷണം അവസാനിപ്പിക്കാൻ തീരുമാനമാകുക. തീരുമാനമാകാത്ത കേസുകൾ തീർപ്പാക്കുന്നതിന്‍റെ ഭാഗമായി മൂന്നു മാസം മുൻപാണ് സുകുമാരക്കുറുപ്പിൻ്റെ ഫയൽ പോലീസ് വീണ്ടും തുറന്നത്.

സുകുമാരക്കുറുപ്പിനെ കണ്ടു എന്നു പറഞ്ഞ ആലപ്പുഴ സ്വദേശി രത്നമ്മ അടക്കം ചില സാക്ഷികളുടെ മൊഴി അന്വേഷണ സംഘം എടുത്തിരുന്നു. തുടർന്നാണ് ഇനി കേസിൽ തുടർ നടപടി വേണ്ടെന്ന നിഗമനത്തിൽ എത്തിയത്.

കൊലയ്ക്ക് ശേഷം സ്ഥലം വിട്ട കുറുപ്പിനെ കണ്ട ഏക മലയാളി ഝാർഖണ്ഡിൽ നഴ്സായിരുന്ന രത്നമ്മയായിരുന്നു. ആ സമയത്ത് ഹൃദ്രോഗിയായിരുന്നു സുകുമാരക്കുറുപ്പെന്നാണ് വെളിപ്പെടുത്തൽ. രത്നമ്മ കുറുപ്പിനെ കണ്ടു എന്ന് പറയുന്ന സമയത്ത് അയാളുടെ പ്രായവും രോഗവും വെച്ച് നോക്കിയാൽ ഇത്രയും കാലം അയാൾ ജീവിച്ചിരിക്കാൻ സാധ്യത വളര കുറവാണ് എന്ന വിലയിരുത്തിലിലാണ് അന്വേഷണ സംഘം. തുടർന്നാണ് ഇനി കേസിൽ തുടർ നടപടി വേണ്ടന്ന നിഗമനത്തിൽ എത്തിയത്.


1984 ജനുവരി 22നാണ് കേസിനാസ്പദമായ സംഭവം നടക്കുന്നത്. സ്വന്തം പേരിലുള്ള ഇൻഷുറൻസ് തുക തട്ടിയെടുക്കുന്നതിനായി താൻ മരിച്ചുവെന്ന് വരുത്താൻ നിരപരാധിയായ ചാക്കോയെ ശ്വാസം മുട്ടിച്ചുകൊലപ്പെടുത്തി കാറിലിട്ട് കത്തിക്കുകയായിരുന്നു.

കാഠ്മണ്ഡു: നേപ്പാളിലെ മിന്നല്‍ പ്രളയത്തില്‍ മരണസംഖ്യ ഉയരുന്നു. 165 പേരുടെ മരണമാണ് സ്ഥിരീകരിച്ചത്. വിദേശ ടൂറിസ്റ്റുകള്‍ അടക്കം ആയിരത്തോളം പേരെ കാണാതായതായാണ് റിപ്പോര്‍ട്ട്. കാണാതായവരില്‍ തഞ്ചാവൂരില്‍ നിന്നും പോയ 37 തമിഴ്‌നാട്ടുകാരും പെടുന്നു. ബംഗാളില്‍ നിന്നും പോയ 32 പേരെക്കുറിച്ചും വിവരമില്ലെന്ന് റിപ്പോര്‍ട്ടുണ്ട്. അതേസമയം മലയാളി ടൂറിസ്റ്റ് സംഘം സുരക്ഷിതരാണെന്നാണ് വിവരം. അപകടമേഖലയില്‍ രക്ഷാപ്രവര്‍ത്തനം തുടരുകയാണ്.

റാസുവ മേഖലയിലുണ്ടായ ദുരന്തത്തില്‍ 165 മരണം സ്ഥിരീകരിച്ചതായും, ആയിരത്തോളം പേരെക്കുറിച്ച് ഒരു വിവരവുമില്ലെന്നും, കാണാതായവരില്‍ 300 ഓളം ഇന്ത്യക്കാരും ഉള്‍പ്പെടുന്നതായും നേപ്പാള്‍ വിദേശകാര്യമന്ത്രി ശിശിര്‍ ഖനാല്‍ പറഞ്ഞു. കാണാതായ ഇന്ത്യക്കാരില്‍ കൂടുതലും മാനസരോവര്‍ തീര്‍ഥാടകരാണെന്നും നേപ്പാള്‍ മന്ത്രി വ്യക്തമാക്കി. 500 ഓളം വിദേശികളെക്കുറിച്ചാണ് ഒരു വിവരവുമില്ലാത്തത്. ആയിരക്കണക്കിന് വീടുകള്‍ നഷ്ടമായി എന്നും മന്ത്രി ശിശിര്‍ ഖനാല്‍ പറഞ്ഞു.

കാണാതായ വിദേശ പൗരന്മാരുടെ സുരക്ഷ സംബന്ധിച്ച് നേപ്പാള്‍ സര്‍ക്കാര്‍ മറ്റ് രാജ്യങ്ങളുടെ എംബസികളുമായി നിരന്തരം ബന്ധപ്പെട്ടുവരികയാണ്. ഹിമാലയന്‍ രാഷ്ട്രത്തില്‍ സമീപകാലത്ത് ഉണ്ടായ ഏറ്റവും വലിയ ദുരന്തങ്ങളിലൊന്നാണ് ഇപ്പോഴുണ്ടായ മിന്നല്‍ പ്രളയം. രക്ഷാപ്രവര്‍ത്തനത്തിനാണ് സര്‍ക്കാര്‍ ഇപ്പോള്‍ മുന്തിയ പരിഗണന നല്‍കുന്നത്. വളരെ വേഗം തന്നെ മരുന്നുകളും മറ്റു സാമഗ്രികളും അയച്ച് ദുരിതാശ്വാസ പ്രവര്‍ത്തനത്തില്‍ ഇടപെട്ട ഇന്ത്യയ്ക്ക് പ്രത്യേകം നന്ദി പറയുന്നുവെന്നും നേപ്പാള്‍ മന്ത്രി ശശിശിര്‍ ഖനാല്‍ കൂട്ടിച്ചേര്‍ത്തു.