നാഡി ജ്യോതിഷം ഇന്ത്യയിലെ തമിഴ്നാട്ടിലും സമീപ പ്രദേശങ്ങളിലും, പ്രധാനമായും പഴയ തഞ്ചാവൂർ ദേശത്തും, പ്രചാരത്തിലുണ്ടായിരുന്ന ഒരു ജ്യോതിഷ രൂപമാണ് . പുരാതന കാലത്ത് ഹിന്ദു ഋഷിമാർ പല മനുഷ്യരുടെയും ഇന്നത്തെ ജീവിതം മുൻകൂട്ടി കണ്ടിരുന്നു എന്ന വിശ്വാസത്തെ അടിസ്ഥാനമാക്കിയുള്ളതാണ് ഇത്.
ഈ മുഴുവൻ ശാസ്ത്രവും ഏറ്റവും ആഴമേറിയതും ഇന്നും അതീവ രഹസ്യമായി സൂക്ഷിക്കപ്പെടുന്ന ഒന്നാണ്. ഈ രഹസ്യങ്ങൾ പലപ്പോഴും പ്രത്യേക സമൂഹത്തിൽ, അതായത് വള്ളുവർമാർക്കും വണ്ണിയാർമാർക്കും മാത്രമായി സൂക്ഷിക്കപ്പെടുന്നു. മറ്റ് സമുദായങ്ങളിൽപ്പെട്ട ആളുകൾക്ക് ഈ രഹസ്യങ്ങൾ അറിയാൻ കഴിയില്ല.
താളിയോലയിൽ എഴുതിയിരിക്കുന്ന ഉള്ളടക്കം ശിവനും പാർവതിയും തമ്മിലുള്ള സംഭാഷണമാണെന്ന് അവകാശപ്പെടുന്ന മറ്റൊരു കൂട്ടം ജ്യോതിഷികളും ഉണ്ട്. ഇതിനെ “ശിവ നാഡി ജ്യോതിഷ്യം” എന്നും വിളിക്കാറുണ്ട്.
ഒരു വ്യക്തിയുടെ ഭൂതവും ഭാവിയും വര്ത്തമാനവും പ്രവചിക്കുന്ന ശാസ്ത്രമായ ജ്യോതിഷത്തിന് വിവിധ ശാഖകളുണ്ട്. എന്നാല്, നാഡിജ്യോതിഷത്തില് ഭൂതവും ഭാവിയും വര്ത്തമാനവും മാത്രമല്ല ജന്മാന്തരങ്ങളെക്കുറിച്ചും പറയുന്നു. ഒരാളുടെ തള്ളവിരലിലെ രേഖയുടെ അടയാളത്തെ ആസ്പ്പദമാക്കി, അയാളുടെ ജനന സമയം, പേര്, അച്ചന്റെ, അമ്മയുടെ, ഭാര്യയുടെ, ഭര്ത്താവിന്റെ പേരുകള്, ഭൂതം, വര്ത്തമാനം ഭാവി എന്നിവ പ്രവചിക്കുന്ന ശാസ്ത്രമാണു നാഡീ ജ്യോതിഷം. നാഡീജ്യോതിഷം പരിശോധിച്ചാല് ഒരു ജ്യോതിഷിക്ക് ഒരാളുടെ ആത്മാവിന്റെ യാത്രകളും ദിശകളും മനസിലാക്കാന് പറ്റുമെന്നാണു വിശ്വസിക്കപ്പെടുന്നത്.
ഒരാളുടെ ജീവിതത്തിലെ പല കാര്യങ്ങള്ക്കും നാഡീജ്യോതിഷം വിശദീകരണം നല്കുന്നുണ്ട്. നിങ്ങളുടെ ജന്മേദ്ദേശ്യവും ജീവിതത്തിലെ സംഭവങ്ങളുടെ അര്ത്ഥവും മനസിലാക്കാന് നാഡീജ്യോതിഷം സഹായിക്കും എന്നാണ് പൊതുവെ ഉള്ള സംസാരം.
ഫലം അറിയാൻ ആഗ്രഹിക്കുന്ന വ്യക്തിയുടെ യഥാർഥ ഓല കണ്ടെത്തിക്കഴിഞ്ഞാൽ അതിൽ ആ വ്യക്തിയുടെ എല്ലാ വിവരങ്ങളും ഉണ്ടായിരിക്കും. നാഡീ ജ്യോതിഷവുമായി ബന്ധപ്പെട്ട് സംസ്കൃതത്തിലും തമിഴിലും ധാരാളം ഗ്രന്ഥങ്ങൾ ഉണ്ട്. ബൃഹത് പരാശരഹോരയും ഭൃഗുസംഹിതയുമൊക്കെ ഇതുസംബന്ധിച്ച പുരാണഗ്രന്ഥങ്ങളിൽ ചിലതാണ്. കൂടാതെ, ഗുരുനാഡി, ശുക്രനാഡി തുടങ്ങി ഗ്രഹങ്ങളുടെ പേരുമായി ചേർത്ത് അറിയപ്പെടുന്ന പുരാതന നാഡീഗ്രന്ഥങ്ങളും നിലവിലുണ്ട്. ഇപ്പോൾ തഞ്ചാവൂരിലും പരിസരങ്ങളിലുമുള്ളവർ ഉപയോഗിക്കുന്നത് അഗസ്ത്യ മഹർഷി രചിച്ചത് എന്നു കരുതുന്ന പുരാതന ഗ്രന്ഥങ്ങളുടെ പകർപ്പുകളാണ്.