Advertisement
കൊല്ലം: നീരാവില്‍ സ്വദേശിനിയായ വീട്ടമ്മ പാമ്പുകടിയേറ്റ് മരിച്ചു. നീരാവില്‍ കുളങ്ങര വീട് രാധാമണി (53) ആണ് മരിച്ചത്. ഇന്ന് രാവിലെ ആയിരുന്നു സംഭവം. രാധാമണി വീടിന്റെ മുറ്റം വൃത്തിയാക്കി കൊണ്ടിരിക്കുകയായിരുന്നു. ഇതിനിടയിലാണ് അപ്രതീക്ഷിതമായി പാമ്പിന്റെ കടിയേറ്റത്. ഉടന്‍ തന്നെ ബന്ധുക്കളും, അയല്‍വാസികളും ചേര്‍ന്ന് ഇവരെ അടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ലോട്ടറി കച്ചവടം നടത്തിയാണ് ഇവര്‍ തന്റെ കുടുംബം പോറ്റിയിരുന്നത്. പരേതനായ രവീന്ദ്രനാണ് ഭര്‍ത്താവ്. മകള്‍: രമ്യ.
