30 C
Kollam
Tuesday 17th November, 2026 | 07:22:59 PM
Home News Kerala സി.എസ്.ഐ. ദക്ഷിണ കേരള മഹായിടവക മംഗല്യത്തിലൂടെ എട്ട് ജോഡികൾക്ക് വിവാഹം

സി.എസ്.ഐ. ദക്ഷിണ കേരള മഹായിടവക മംഗല്യത്തിലൂടെ എട്ട് ജോഡികൾക്ക് വിവാഹം

Advertisement

തിരുവനന്തപുരം: സി.എസ്.ഐ. ദക്ഷിണ കേരള മഹായിടവക സ്ത്രീ ജനസഖ്യത്തിന്റെ നേതൃത്വത്തിൽ ആഗസ്റ്റ് 15ന് സംഘടിപ്പിച്ച 11-ാമത് മംഗല്യ വിവാഹ പദ്ധതിയിലൂടെ 8 ജോഡികൾ കൂടി മംഗല്യസൗഭാഗ്യം നേടി. രാവിലെ 10ന് തിരുവനന്തപുരം എൽ.എം.എസ്. കോമ്പൗണ്ടിലെ എം.എം. സി.എസ്.ഐ. കത്തീഡ്രലിൽ നടന്ന വിവാഹ ചടങ്ങുകൾക്ക് ദക്ഷിണേന്ത്യ സഭ മോഡറേറ്റർ മോസ്റ്റ് റവ. ഡോ. റൂബൻ മാർക്ക്, ഡെപ്യൂട്ടി മോഡറേറ്റർ റൈറ്റ് റവ. വി.എസ്. ഫ്രാൻസിസ്, റൈറ്റ് റവ. ഡോ. പ്രിൻസ്ഡൺ ബെൻ, മോസ്റ്റ് റവ. ധർമ്മരാജ് റസാലം, റൈറ്റ് റവ. ജോസ് ജോർജ്, മഹായിടവക സെക്രട്ടറി ഡോ. ടി.ടി. പ്രവീൺ, വൈസ് ചെയർമാൻ റവ. ഡോ. ഗിൽബർട്ട് ജോസ്, ട്രഷറർ റവ. ഡോ. എ.പി. ക്രിസ്റ്റൽ ജയരാജ്, ജോ. വൈസ് ചെയർമാൻ റവ. ഡി. സെബാസ്റ്റിൻ, പാസ്റ്ററൽ ബോർഡ് സെക്രട്ടറി റവ. ഡോ. ജെ. ജയരാജ്, സ്ത്രീജനസഖ്യം പ്രസിഡന്റ് ശ്രീമതി. ബീന പ്രിൻസ്ഡൺ, സെക്രട്ടറി ധന്യ ജോസ്, റവ. ആർ.എസ്. സുരേഷ് കുമാർ, റവ. റിജു താപസ് എന്നിവർ നേതൃത്വം നൽകി.

കേരള സംസ്ഥാന മുഖ്യമന്ത്രി ബഹു. പി.വി. സതീശൻ, മന്ത്രിമാരായ കെ മുരളീധരൻ, സി.പി. ജോൺ, എം.എൽ.എ മാരായ എം.ആർ. രാജേഷ്, വി. ജോയ്, ജി. സ്റ്റീഫൻ, എം. വിൻസന്റ്, എൻ. ശക്തൻ, മേയർ വി.വി. രാജേഷ്, ഡെപ്യൂട്ടി മേയർ ആശാനാഫ്. ജി.എസ്, കൗൺസിലർമാരായ ശബരിനാഥ്, ഷെർളി മാത്യു, മുൻ മന്ത്രി വി.എസ്. ശിവകുമാർ, ശ്രീമതി. മറിയാമ്മ ഉമ്മൻചാണ്ടി, കേരള വ്യാപാരി വ്യവസായി സംസ്ഥാന പ്രസിഡന്റ് ശ്രീ. അശോകൻ തുടങ്ങിയവർ ആശംസകൾ അർപ്പിച്ചു.

2016 ൽ ആരംഭിച്ച ഈ മംഗല്യ പദ്ധതിയിലൂടെ 134 കുടുംബങ്ങൾ രൂപീകരിക്കപ്പെട്ടു. ഒരു കുടുംബത്തിന് 5 പവന്റെ ആഭരണവും, ഒരു ലക്ഷം രൂപ ഫിക്സഡ് ഡിപ്പോസിറ്റും, വിവാഹ ചെലവും സഭ നൽകുന്നതാണ് പദ്ധതി.