എറണാകുളം പിറവം നഗരസഭ പതിനാലാം വാര്ഡ് കൗണ്സിലര് ക്രിസ്റ്റി ജോണിനും ഭര്തൃമാതാവ് ലിസിക്കും കുത്തേറ്റു. കുടുംബപ്രശ്നങ്ങളെത്തുടര്ന്നുണ്ടായ തര്ക്കത്തിനിടയിലാണ് ഇവര്ക്ക് പരുക്കേറ്റത്. സംഭവവുമായി ബന്ധപ്പെട്ട് ക്രിസ്റ്റിയുടെ ഭര്തൃപിതാവ് ജോയിയെ പൊലീസ് കസ്റ്റഡിയിലെടുത്തു.
നഗരസഭാ കൗണ്സിലറായ ക്രിസ്റ്റിയുടെ വീട്ടില് കുടുംബപ്രശ്നങ്ങളെത്തുടര്ന്ന് ബഹളം ഉണ്ടാവുകയായിരുന്നു. ഭര്ത്താവിന്റെ പിതാവായ ജോയി, ലിസിയെ ആക്രമിക്കുന്നത് കണ്ട് തടയാന് ചെന്നപ്പോഴാണ് ക്രിസ്റ്റിക്ക് കുത്തേറ്റത്. മദ്യലഹരിയിലായിരുന്ന ജോയിയാണ് ആക്രമണം നടത്തിയതെന്ന് പരിസരവാസികള് പറയുന്നു.
പരുക്കേറ്റ ഇരുവരെയും കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇവര്ക്ക് ഗുരുതരമായി പരുക്കേറ്റിട്ടില്ലെന്നാണ് ലഭിക്കുന്ന വിവരം. സംഭവത്തില് പിറവം പൊലീസ് തുടര്നടപടികള് സ്വീകരിച്ചുവരുന്നു.