തിരുവനന്തപുരം.ഹൈക്കോടതിയിലെ ഗവ. പ്ലീഡർ നിയമനം. മുഖ്യമന്ത്രിയുടെ നിലപാട് തള്ളി ലോയേഴ്സ് കോൺഗ്രസ്. ലോയേഴ്സ് കോൺഗ്രസിൻ്റെ പട്ടികയിൽ നിന്നാണ് നിയമനം എന്ന മുഖ്യമന്ത്രിയുടെ വാദം തള്ളി. വിവാദ നിയമനങ്ങൾ നിർദ്ദേശിച്ചത് സ്റ്റേറ്റ് അറ്റോർണി അനൂപ് വി നായർ
പട്ടികയിൽ ഇല്ലാത്ത പേരുകൾ നിർദ്ദേശിച്ചിട്ട് പഴി ലോയേഴ്സ് കോൺഗ്രസിന്. വഴിവിട്ട നിയമങ്ങളിൽ മുഖ്യമന്ത്രിക്ക് മറുപടിയില്ല. ലോയേഴ്സ് കോൺഗ്രസിൻ്റെ പട്ടികയ്ക്ക് ശരിയായ പരിഗണന നൽകിയില്ല. നിയമനം നേടിയ യുഡിഎഫ് അനുഭാവികൾ അല്ലാത്തവരുടെ പേര് വെളിപ്പെടുത്തും
ഗവ. പ്ലീഡർ നിയമനം മുഖ്യമന്ത്രിയുമായി ചർച്ച ചെയ്യാൻ നിരന്തരം ശ്രമിച്ചു. കൂടിക്കാഴ്ചയ്ക്ക് നിരന്തരം അവസരം നിഷേധിച്ചു എന്നും ലോയേഴ്സ് കോൺഗ്രസ്. സർക്കാർ അഭിഭാഷക നിയമനത്തിലെ പരാതി അറിയിക്കാൻ മുഖ്യമന്ത്രിയെ കാണാനെത്തിയ KSU സംസ്ഥാന അധ്യക്ഷന് ഇതുവരെ സമയം അനുവദിച്ചില്ല. ഇന്നലെ മുതൽ മുഖ്യമന്ത്രിയുടെ സമയം ചോദിക്കുകയാണ് കെ എസ് യു സംസ്ഥാന അധ്യക്ഷൻ അലോഷ്യസ് സേവ്യർ. അതിനിടെ KSU തന്നോട് ഒരു പരാതിയും പറഞ്ഞില്ലെന്ന് മുഖ്യമന്ത്രിയുടെ വാദം പൊളിയുകയാണ്. ഇക്കഴിഞ്ഞ പത്താം തീയതി KSU മുഖ്യമന്ത്രിക്ക് കത്ത് നൽകിയിരുന്നു.തിരുവനന്തപുരം ലോ കോളേജ് മുൻ യൂണിയൻ ഭാരവാഹികളും പരാതി നൽകി. തന്നോട് ആരും പരാതി പറഞ്ഞിട്ടില്ല എന്നും ലോ കോളേജ് കെഎസ്യു യൂണിയൻ അല്ല സർക്കാർ അഭിഭാഷകരെ നിയമിക്കുന്നതെന്നും മുഖ്യമന്ത്രി ഇന്നലെ പറഞ്ഞിരുന്നു
