മറ്റൊരു പോത്തിന്റെ കൊമ്പിൽ കുടുങ്ങിയ കുട്ടി പോത്തിനെ അഗ്നി രക്ഷാ സേനാംഗങ്ങൾ ചേർന്ന് രക്ഷപ്പെടുത്തി

കണ്ണൂർ: മറ്റൊരു പോത്തിന്റെ കൊമ്പിൽ കുടുങ്ങിയ കുട്ടി പോത്തിനെ കണ്ണൂർ അഗ്നി രക്ഷാ സേനാംഗങ്ങൾ ചേർന്ന് രക്ഷപ്പെടുത്തി. ഇന്ന് രാവിലെ കണ്ണൂർ ഗവൺമെന്റ് ആശുപത്രിക്ക് സമീപത്തായിരുന്നു സംഭവം. വലിയ പോത്തിന്റെ വളഞ്ഞ കൊമ്പിനിടയിൽ കുട്ടി പോത്തിന്റെ കഴുത്ത് കുടുങ്ങുകയായിരുന്നു.


അഗ്നി രക്ഷാ സേനാംഗങ്ങൾ ചേർന്ന് കൊമ്പിന്റെ ചെറിയൊരു ഭാഗം മുറിച്ചു കളഞ്ഞതിനുശേഷം ആണ് കുട്ടി പോത്തിനെ രക്ഷപ്പെടുത്തിയത്. കണ്ണൂർ യൂണിറ്റിലെ കെ പി നസീർ, വൈശാഖ്, വിജോയ് പത്രോസ്, വിഷ്ണു, സുകേഷ് എന്നിവർ രക്ഷാപ്രവർത്തനത്തിൽ പങ്കെടുത്തു.