30 C
Kollam
Tuesday 17th November, 2026 | 07:24:55 PM
Home News Breaking News ഓച്ചിറ പരബ്രഹ്‌മ നഴ്‌സിംഗ് കോളേജിലെ വിദ്യാര്‍ത്ഥി അഹമ്മദ് നജാദിന്റെ ആത്മഹത്യ; മൂന്ന് അധ്വാപകരെ സസ്‌പെന്റ് ചെയ്തു

ഓച്ചിറ പരബ്രഹ്‌മ നഴ്‌സിംഗ് കോളേജിലെ വിദ്യാര്‍ത്ഥി അഹമ്മദ് നജാദിന്റെ ആത്മഹത്യ; മൂന്ന് അധ്വാപകരെ സസ്‌പെന്റ് ചെയ്തു

Advertisement

കൊല്ലം: ഓച്ചിറ പരബ്രഹ്‌മ നഴ്‌സിംഗ് കോളേജിലെ വിദ്യാര്‍ത്ഥി അഹമ്മദ് നജാദിന്റെ ആത്മഹത്യയില്‍ ആരോപണ വിധേയരായ മൂന്ന് അധ്വാപകരെ സസ്‌പെന്റ് ചെയ്തു. അധ്യാപകരുടെ മാനസിക പീഡനമാണ് വിദ്യാര്‍ത്ഥിയുടെ ആത്മഹത്യയ്ക്ക് കാരണമെന്നാണ് ഉയരുന്ന ആരോപണം. അധ്യാപകരുടെ മാനസിക പീഡനം പതിവെന്ന് വിദ്യാര്‍ത്ഥികള്‍ ആരോപിച്ചിരുന്നു.

ഓച്ചിറ പരബ്രഹ്‌മ നഴ്സിങ് കോളജിലെ രണ്ടാം വര്‍ഷ ബിഎസ്സി നഴ്സിങ് വിദ്യാര്‍ഥിയായിരുന്നു മുഹമ്മദ് നജാദ്. കഴിഞ്ഞ ദിവസം രാത്രിയാണ് വീട്ടിലെ കിടപ്പ് മുറിയില്‍ മുഹമ്മദ് നജാദ് ആത്മഹത്യ ചെയ്തത്. രണ്ടാം സെമസ്റ്ററിലെ ചില പരീക്ഷകളില്‍ പരാജയപ്പെട്ടതിലും പ്രൊജക്ടുകള്‍ സമര്‍പ്പിക്കുന്നതില്‍ ഉള്‍പ്പെടെ അധ്യാപികമാര്‍ വിദ്യാര്‍ഥിയെ ശകാരിച്ചു എന്ന് സഹപാഠികള്‍ പറഞ്ഞിരുന്നു. രാത്രിയോടെ വീട്ടിലെത്തിയ വിദ്യാര്‍ഥി വിഷമത്തില്‍ ആയിരുന്നെന്ന് കുടുംബവും വ്യക്തമാക്കിയിരുന്നു. തുടര്‍ന്ന് ഭക്ഷണം കഴിച്ച് പഠിക്കാനായി മുറിയിലേക്ക് പോയ മുഹമ്മദ് നജാദ് വിളിച്ചിട്ടും പ്രതികരിക്കാത്തതിനെ തുടര്‍ന്ന് വാതില്‍ ചവിട്ടി പൊളിച്ച് നോക്കുമ്പോള്‍ കിടപ്പുമുറിയിലെ ഫാനില്‍ തൂങ്ങിയ നിലയിലായില്‍ മൃതദേഹം കാണുകയായിരുന്നു. വിദ്യാര്‍ഥിയുടെ മരണത്തിന് കാരണം അധ്യാപകരുടെ മാനസിക പീഡനമാണെന്ന് ആരോപിച്ച് എസ്എഫ്ഐ കോളജില്‍ പ്രതിഷേധിച്ചിരുന്നു.