കൊച്ചി: മൂന്ന് വിദ്യാര്ത്ഥികള് പുഴയില് മുങ്ങിമരിച്ചു. കോതമംഗലം വടാട്ടുപാറ പലവന്പടി പുഴയില് സ്വകാര്യ ഡെന്റല് കോളജ് വിദ്യാര്ത്ഥികളാണ് ഒഴുക്കില്പ്പെട്ട് മരിച്ചത്. ബിയോണ് (തിരുവല്ല) , ഹരീഷ് ( തിരുവനന്തപുരം), അതുല് ( കോട്ടയം) എന്നിവരാണ് മരിച്ചത്. വനത്തോടു ചേര്ന്നുള്ള പ്രദേശത്താണ് അപകടം ഉണ്ടായത്.
ഉച്ചയോടെയാണ് വിദ്യാര്ത്ഥികളുടെ മൃതദേഹങ്ങള് കണ്ടെടുത്തത്. അവധി ദിനമായതിനാല് വിനോദസഞ്ചാരത്തിനെത്തിയ വിദ്യാര്ത്ഥികളാണ് അപകടത്തില്പ്പെട്ടത്. കോതമംഗലം ബസേലിയോസ് ഡെന്റല് കോളജിലെ വിദ്യാര്ത്ഥികളാണ് അപകടത്തില്പ്പെട്ടതെന്ന് പൊലീസ് അറിയിച്ചു.
ഇന്നു രാവിലെയാണ് വിദ്യാര്ത്ഥികള് പുഴയില് കുളിക്കാനെത്തിയത്. ഇടമലയാര് ഡാമിന് താഴെയുള്ള ഭാഗത്താണ് പലവന്പടി പുഴ. ഡാമിലെ വൈദ്യുതോല്പ്പാദനത്തിന് ശേഷം വെള്ളം തുറന്നു വിടുന്നതിനാല്, വേനല്ക്കാലത്തും ശക്തമായ വെള്ളമുണ്ടാകും. നല്ല ഒഴുക്കുമുണ്ടാകുമെന്ന് നാട്ടുകാര് പറയുന്നു.
