ശാസ്താംകോട്ട:തിരുവനന്തപുരത്ത് നിന്ന് മംഗലാപുരത്തേയ്ക്ക് പോകുന്ന പ്രതിവാര ട്രെയിനായ അമൃത് ഭാരത് എക്സ്പ്രസ്സിന് ശാസ്താംകോട്ട റെയിൽവേ സ്റ്റേഷനിൽ റെയിൽവേ പാസഞ്ചേഴ്സ് അസോസിയേഷന്റെ നേതൃത്വത്തിൽ സ്വീകരണം നൽകി.

ശാസ്താംകോട്ടയിൽ അമൃത ഭാരത് എക്സ്പ്രസിന് സ്റ്റോപ്പ് അനുവദിക്കുന്നതിന് മുൻകൈയെടുത്ത കൊടിക്കുന്നിൽ സുരേഷ് എം.പിയെ അഭിനന്ദിച്ചു.റെയിൽവേ പാസഞ്ചേഴ്സ് അസോസിയേഷൻ പ്രസിഡന്റ് സജീവ് പരിശവിള നേതൃത്വം നൽകി.ലോക്കോ പൈലറ്റുകളെ ഷാൾ അണിയിച്ചു സ്വീകരിച്ചു.

ശാസ്താംകോട്ട: ശാസ്താംകോട്ട ഗവൺമെന്റ് ആശുപത്രിയിൽ കഴിഞ്ഞദിവസം ശ്വാസതടസത്തിനായി ചികിത്സയ്ക്ക് എത്തിയ യുവതിക്ക് മരുന്നുമാറി പേ വിഷബാധയ്ക്കുള്ള മരുന്ന് ഇഞ്ചക്ഷൻ എടുത്തതിൽ പ്രതിഷേധിച്ച് ഭാരതീയ ജനതാ പാർട്ടി ശാസ്താംകോട്ട മണ്ഡലത്തിന്റെ നേതൃത്വത്തിൽ പ്രതിഷേധ പ്രകടനവും ആശുപത്രി ഉപരോധവും നടന്നു.. കുന്നത്തൂർ നിയോജകമണ്ഡലത്തിന്റെ ആരോഗ്യകേന്ദ്രമായ ശാസ്താംകോട്ട ഗവൺമെന്റ് ആശുപത്രിയുടെ ശോചനീയാവസ്ഥയും ഇത്തരത്തിലുള്ള അനാസ്ഥയും സാധാരണക്കാരായ രോഗികൾക്ക് ഒട്ടനവധിയായ ബുദ്ധിമുട്ടുകളാണ് ആശുപത്രിയിൽ നിന്നും ഉണ്ടാവുന്നത്. ആളുമാറി ഇഞ്ചക്ഷൻ എടുത്ത സംഭവത്തിൽ ഉത്തരവാദികളായ മുഴുവൻ ആളുകളെയും സർവീസിൽ നിന്നും മാറ്റി നിർത്തി ആവശ്യമായ നടപടികൾ സ്വീകരിക്കണമെന്ന് യോഗത്തിൽ ആവശ്യപ്പെട്ടു.

ഹോസ്പിറ്റലിന്റെ ശോചനീയാവസ്ഥ പരിഹരിക്കുക, ഡയാലിസിസ് യൂണിറ്റ് ഗ്രൗണ്ട് ഫ്ലോറിൽപ്രവർത്തിപ്പിക്കുക, പ്രവർത്തിക്കാത്ത ic യൂണിറ്റും ഇടയ്ക്കിടയ്ക്ക് തകരാറിൽ ആകുന്ന Ex-ray യൂണിറ്റും, പ്രവർത്തിക്കാത്ത ജനറേറ്ററും, HMC വഴി ഉണ്ടായിരുന്ന ഡോക്ടറുടെ സേവനം നിലവിൽ ഇല്ലാത്തതും ഈ ഹോസ്പിറ്റലിനെ തകർക്കാൻ ഉള്ള ഗൂഡ നീക്കത്തിന്റെ ഭാഗമാണ് ,മറ്റ് സർക്കാർ ആശുപത്രി കളിൽ ഉള്ള തിരക്കിന്റെ ഒരംശം പോലും ഈ ആശുപത്രിയിൽ ഇല്ലാത്തതിന്റെ കാരണം അധികൃതരുടെ അനാസ്ഥയാണ് ചൂണ്ടി കാട്ടുന്നത് 25വർഷം മണ്ഡലത്തെ പ്രതിനിധാനംചെയ്ത MLA ക്കൊ, 35വർഷം പ്രതിനിധാനം ചെയ്ത എംപി ക്കും കഴിയാതെ പോയത് തൊഴിലാളികളും, പട്ടികജാതി ക്കാരും തിങ്ങി പാർക്കുന്ന ഈ നാടിന്റെ ചികിത്സാ സംവിധാനത്തെയും വികസനത്തെയും അട്ടിമറിച്ചും സ്വകാര്യ മുതലാളിമാരെ സഹായിക്കുന്ന നിലപാടാണ് ഇവരോടൊപ്പം ചേർന്ന് നിന്നുകൊണ്ട് ബ്ലോക്ക്‌ പഞ്ചായത്തും സ്വീകരിക്കുന്നത് എന്നും അദ്ദേഹം കുറ്റപ്പെടുത്തി.

തുടർന്ന് മെഡിക്കൽ സൂപ്രണ്ടുമായി നടത്തിയ ചർച്ചയുടെ അടിസ്ഥാനത്തിൽ അടിയന്തരമായി ഇന്ന് തന്നെ തുടർ നടപടികൾ സ്വീകരിക്കുമെന്നും ഈ സംഭവത്തിന് വിധേയയായ യുവതിക്ക് ആവശ്യമായ വൈദ്യസഹായം നൽകുമെന്നും അറിയിച്ചു. ശാസ്താംകോട്ട മണ്ഡലം പ്രസിഡന്റ് ധനേഷ് പുളിന്താനം അധ്യക്ഷനായ യോഗത്തിൽ കൊല്ലം ഈസ്റ്റ് ജില്ലാ വൈസ് പ്രസിഡന്റ്, ശാസ്താംകോട്ട മണ്ഡലത്തിന്റെ പ്രഭാരി കൂടിയായ ബൈജു ചെറുപൊയ്കപ്രതിഷേധ സമരം ഉദ്ഘാടനം ചെയ്തു. ന്യൂനപക്ഷ മോർച്ച ജില്ലാ പ്രസിഡന്റ് ബിനോയ് ജോർജ്, സംസ്ഥാന കൗൺസിൽ അംഗം ശശികുമാർ, അഡ്വക്കേറ്റ് കലേശൻ, ഒബിസി മോർച്ച സംസ്ഥാന സെക്രട്ടറി പൂന്തോട്ടം സത്യൻ, കൊല്ലം ജില്ലാ കമ്മിറ്റി അംഗം രാധാകൃഷ്ണൻ, ജയപ്രകാശ്,മണ്ഡലം ജനറൽ സെക്രട്ടറി ശ്രീ തയ്യിൽ രാജേന്ദ്രൻ, കർഷക മോർച്ച ജില്ലാ വൈസ് പ്രസിഡന്റ് ഓമനക്കുട്ടൻ പിള്ള, ഒബിസി മോർച്ച ജില്ലാ കമ്മിറ്റി അംഗം കെ വി ശ്രീനിവാസൻ, മണ്ഡലം വൈസ് പ്രസിഡന്റ് കിരൺ പാർത്ഥസാരഥി സെക്രട്ടറി മനോജ്, ഒബിസി മോർച്ച മണ്ഡലം പ്രസിഡന്റ് പ്രദീപ് കോതപുരം,ഗോപകുമാർ, വിമലൻ,രാജീവ് ശാസ്താംകോട്ട അനന്തു യുവമോർച്ച മണ്ഡലം പ്രസിഡന്റ് ആദിത്യൻ, വേണു മൈനാഗപ്പള്ളി, തുടങ്ങിയവർ സംസാരിച്ചു

ശാസ്താംകോട്ട :ശ്വാസതടസ്സം നേരിട്ട രോഗിക്ക് പേവിഷ പ്രതിരോധ മരുന്ന് കുത്തിവെച്ചവർക്കെതിരെ കർശന നടപടി സ്വീകരിക്കുകയും ആരോഗ്യവകുപ്പ് മന്ത്രി താലൂക്ക് ആശുപത്രിയിൽ നേരിട്ട് എത്തി ആശുപത്രിയിലെ പ്രതിസന്ധി പരിഹരിക്കണമെന്നും ആർ വൈ എഫ് സംസ്ഥാന പ്രസിഡന്റ്‌ ഉല്ലാസ് കോവൂർ ആവശ്യപ്പെട്ടു.

മതിയായ സ്റ്റാഫ് പാറ്റേൺ ഇല്ലാത്തതു മൂലം ഉണ്ടാകുന്ന ഇത്തരം അതീവഗുരുതര ചികിത്സാ പിഴവുകൾക്ക് ഉത്തരവാദി ബ്ലോക്ക്‌ പഞ്ചായത്തും, എം എൽ എയുമാണ്. ശാസ്താംകോട്ട താലൂക്ക് ആശുപത്രിയിലെ ഗുരുതര പ്രതിസന്ധിയുടെ ഉത്തരവാദിത്വത്തിൽ നിന്ന് എം എൽ എ ക്ക് ഒളിച്ചോടാൻ സാധിക്കില്ല എന്നും ഉല്ലാസ് കോവൂർ ആരോപിച്ചു യു ഡി വൈ എഫിന്റെ നേതൃത്വത്തിൽ നടത്തിയസൂപ്രണ്ട് ഓഫീസ് ഉപരോധം ഉദ്ഘാടനം ചെയ്യുകയായിരുന്നു അദ്ദേഹം. യൂത്ത് കോൺഗ്രസ്‌ നിയോജകമണ്ഡലം പ്രസിഡന്റ്‌ റിയാസ് പറമ്പിൽ അധ്യക്ഷനായി യു ഡി എഫ് നിയോജകമണ്ഡലം ചെയർമാൻ എസ് സുഭാഷ് മുഖ്യപ്രഭാഷണം നടത്തി.

, ആർ എസ് പി ഏരിയ സെക്രട്ടറി പി.വിജയചന്ദ്രൻ നായർ, കോൺഗ്രസ്‌ ശാസ്താംകോട്ട ബ്ലോക്ക്‌ പ്രസിഡന്റ്‌ വൈ ഷാജഹാൻ ഡി സി സി ജനറൽ സെക്രട്ടറി തുണ്ടിൽ നൗഷാദ്, തടത്തിൽ സലീം, എസ് വേണുഗോപാൽ, ഹാഷിം സുലൈമാൻ, ഷാഫി ചെമ്മത്, സജിത്ത് ഉണ്ണിത്താൻ, കെ എം അൻവർ, അൻവർ അൻവർ പുത്തൻപുരയിൽ, സന്ദീപ്, ഷിയാസ് സുലൈമാൻ, കെ പുഷ്പരാജ്‌, ഹരി കുന്നത്തൂർ, ഉമേഷ്‌, സന്ദീപ് എസ്, സഞ്ജുതരകൻ, ഗൗരിമോഹൻ,ബിജു ജോർജ്, പ്രദീപ്‌ കുഴിവിള, സലീം പനപ്പെട്ടി എന്നിവർ പ്രതിഷേധപ്രകടനത്തിനും, ഹോസ്പിറ്റൽ ഉപരോധത്തിനും നേതൃത്വം നൽകി