കുന്നത്തൂർ:വെന്തുരുകുന്ന മീനച്ചൂടിലും ‘കൂളായി’ വോട്ടർമാരുടെ അടുത്തേക്കെത്തി അവരുടെ അനുഗ്രഹം തേടുകയും പിന്തുണ ഉറപ്പിക്കുകയും ചെയ്യുന്ന തിരക്കിലാണ് കുന്നത്തൂരിലെ യുഡിഎഫ് സ്ഥാനാർഥി ഉല്ലാസ് കോവൂർ.ബുധൻ രാവിലെ ചങ്ങനാശ്ശേരിയിലെ വീട്ടിലെത്തി എൻഎസ്എസ് ജനറൽ സെക്രട്ടറി കെ.സുകുമാരൻ നായരുടെ അനുഗ്രഹം വാങ്ങി,പെരുന്നയിൽ മന്നം സമാധിയിൽ പുഷ്പാർച്ചനയും നടത്തിയ ശേഷമാണ് ഉല്ലാസ് കോവൂരിൻ്റെ ഇന്നലത്തെ പ്രചരണത്തിനു തുടക്കം കുറിച്ചത്.പിന്നീട് കുന്നത്തൂർ നെടിയവിള ഉല്ലാസ് കോവൂർ പ്രവർത്തകർക്കൊപ്പം ജംഗ്ഷനിലെ വ്യാപാരസ്ഥാപനങ്ങളിലും ഓഫീസുകളിലും ഓട്ടോറിക്ഷ സ്റ്റാൻ്റിലും ഉൾപ്പെടെ വോട്ടഭ്യർത്ഥിച്ചു.ജംഗ്ഷനിൽ ബസ് കാത്തുനിൽക്കുകയായിരുന്ന അമ്മമാർ ഉല്ലാസിൻ്റെ തലയിൽ തൊട്ട് അനുഗ്രഹിച്ചു.

തങ്ങൾക്ക് മാത്രമാണ് ക്ഷേമനിധി ഇല്ലാത്തവരായി കേരളത്തിലുള്ളതെന്ന പരിഭവമാണ് ഉല്ലാസിനോട് ഓട്ടോറിക്ഷാ സ്റ്റാൻ്റിലെ ഡ്രൈവർമാർ പങ്കുവച്ചത്.എല്ലാ പ്രശ്നങ്ങൾക്കും യുഡിഎഫും താനും അധികാരത്തിലെത്തിയാൽ പരിഹാരം കാണാമെന്ന ഉറപ്പ് നൽകി നെടിയവിള അമ്പലം ജംഗ്ഷനിലേക്ക്.ഇവിടെ കുന്നത്തൂർ ഹോമിയോ ആശുപത്രി,വില്ലേജ് ഓഫീസ്, പഞ്ചായത്ത് ഓഫീസ്,കൃഷിഭവൻ,ഓട്ടോ സ്റ്റാൻ്റ്,കച്ചവട സ്ഥാപനങ്ങൾ എന്നിവിടങ്ങളിലെല്ലാമെത്തി  വോട്ട് അഭ്യർത്ഥിച്ചു.പിന്നീട ഐവർകാല കീച്ചപ്പള്ളിയിലേക്ക്.ഇവിടെ മരണാനന്തര ചടങ്ങിൽ പങ്കെടുത്ത ശേഷം കീച്ചപ്പള്ളി ജംഗ്ഷനിലെത്തി കടകമ്പോളങ്ങളിൽ കയറിയിറങ്ങി വോട്ടുറപ്പിച്ചു.വോട്ട് തരാം,യാത്ര ചെയ്യാൻ നല്ലൊരു റോഡ് തരണം -വർഷങ്ങളായി തകർന്ന് തരിപ്പണമായി കിടക്കുന്ന പാകിസ്ഥാൻ മുക്ക് – ഞാങ്കടവ് റോഡ് ചൂണ്ടിക്കാട്ടി ഗ്രാമവാസികൾ ഉല്ലാസിനോട് ആവശ്യപ്പെട്ടത് അത്രമാത്രം.

മൂന്ന് മണിയോടെ കുന്നത്തൂർ കോർപ്പറേഷൻ ഫാക്ടറിയിലെത്തി തൊഴിലാളികളെയും ജീവനക്കാരെയും നേരിൽ കണ്ടു.ഇപ്രാവശ്യം തങ്ങൾ ഒറ്റക്കെട്ടായി ഉല്ലാസിനൊപ്പം എന്നതായിരുന്നു അവർ നൽകിയ പിന്തുണ.പിണറായി ഭരണം കശുവണ്ടി തൊഴിലാളികളോട് കാട്ടുന്ന ക്രൂരതകൾ സ്ത്രീതൊഴിലാളികൾ ഉല്ലാസിനോട് പങ്കു വച്ചു.പിന്നിട് കിഴക്കേ കല്ലടയിലേക്ക്.യുഡിഎഫ് കുന്നത്തൂർ മണ്ഡലം ചെയർമാൻ റ്റി.എ സുരേഷ് കുമാർ,കോൺഗ്രസ് മണ്ഡലം പ്രസിഡൻ്റ് റെജി കുര്യൻ,മഹിളാ കോൺഗ്രസ് ജില്ലാ ട്രഷറർ ഷീജാ രാധാകൃഷ്ണൻ,മണ്ഡലം പ്രസിഡൻ്റ് ലിസി തങ്കച്ചൻ,ആർഎസ്പി നേതാക്കളായ അഡ്വ.എം.കണ്ണൻ നായർ,ഡി.അലക്സു കുട്ടി,പഞ്ചായത്ത് അംഗങ്ങളായ സാബു ഉമ്മൻ,ശ്രീദേവി അമ്മ,നേതാക്കളായ ശശിധരൻ ഏഴാംമൈൽ,ജോസ് സുരഭി,ജോൺ മാത്യു,സഹദേവൻ കോട്ടവിള,ഹരികുമാർ കുന്നത്തൂർ,ഉമേഷ് കുന്നത്തൂർ എന്നിവരും ഒപ്പമുണ്ടായിരുന്നു.

​

കുന്നത്തൂർ:കുന്നത്തൂരിലെ എൻഡിഎ സ്ഥാനാർത്ഥി രാജി പ്രസാദിന് ഇത് വോട്ടഭ്യർത്ഥനയല്ല, ഹൃദയങ്ങൾ തമ്മിലുള്ള ചേക്കേറലാണെന്ന് തെളിയിക്കുന്നതായിരുന്നു ബുധനാഴ്ചത്തെ പര്യടനം.വേറിട്ട പ്രചാരണവുമായി എൻഡിഎ സ്ഥാനാർത്ഥി രാജി പ്രസാദ് ജനഹൃദയങ്ങളിലേക്ക് അടുക്കുകയാണ്.വെയിൽ കനക്കുന്ന തിരഞ്ഞെടുപ്പ് ചൂടിനിടയിലും സ്നേഹത്തിന്റെ തണുപ്പുള്ള നിമിഷങ്ങളിലൂടെയായിരുന്നു യാത്ര.രാഷ്ട്രീയ പ്രസംഗങ്ങളോ വോട്ടഭ്യർത്ഥനകളോ ഇല്ലാതെ,മനുഷ്യത്വത്തിന്റെ ഭാഷയിൽ നടത്തിയ യാത്ര വോട്ടർമാരുടെ ഉള്ളുതൊടുന്നതായി.പര്യടനത്തിലെ ഏറ്റവും ഹൃദയസ്പർശിയായ നിമിഷങ്ങൾ കുന്നത്തൂർ ഐവർകാലയിലെ ‘സാന്ത്വനം’ അഭയകേന്ദ്രത്തിലായിരുന്നു.മാനസിക വെല്ലുവിളികൾ നേരിടുന്ന അന്തേവാസികൾക്കിടയിലേക്ക് ഒരു രാഷ്ട്രീയക്കാരിയായല്ല,മറിച്ച് അവരുടെ പ്രിയപ്പെട്ടവരിൽ ഒരാളായാണ് രാജി പ്രസാദ് എത്തിയത്.അവരോടൊപ്പം ഏറെനേരം ചിലവഴിച്ചും വിശേഷങ്ങൾ തിരക്കിയും മനം നിറഞ്ഞാണ് മടങ്ങിയത്.

ലോകം മറന്നവർക്ക് മുൻപിൽ സ്നേഹത്തിന്റെ തണലായി മാറിയ സ്ഥാനാർത്ഥി, തിരഞ്ഞെടുപ്പ് തിരക്കുകൾക്കിടയിലും താൻ ഉയർത്തിപ്പിടിക്കുന്ന സാമൂഹിക പ്രതിബദ്ധത വിളിച്ചോതി.ഭക്തിസാന്ദ്രമായ തുടക്കം,ആത്മബന്ധങ്ങളുടെ പര്യടനം
​പടിഞ്ഞാറെ കല്ലട കുന്നിപ്പള്ളിയാൽ ദേവി ക്ഷേത്രത്തിൽ ദർശനം നടത്തിയാണ് സ്ഥാനാർത്ഥി പര്യടനം ആരംഭിച്ചത്.തുടർന്ന് ക്ഷേത്രത്തിലെ പ്രതിഷ്ഠാ ചടങ്ങുകളിലും പങ്കുചേർന്നു.വിശ്വാസികളുമായി സ്നേഹബന്ധം പുതുക്കിയും അവരുടെ പ്രാർത്ഥനകളിൽ പങ്കാളിയായുമാണ് മുന്നോട്ട്.വിജയഘോഷങ്ങൾക്കിടയിലും വിയോഗത്തിന്റെ വേദനയിൽ കഴിയുന്ന കുടുംബങ്ങളെ മറക്കാതെ മണ്ഡലത്തിലെ മരണവീടുകൾ സന്ദർശിച്ച് ആശ്വാസമേകിയ രാജി പ്രസാദ്,നാട്ടുകാരുടെ സുഖദുഃഖങ്ങളിൽ താൻ എപ്പോഴും കൂടെയുണ്ടാകുമെന്ന ഉറച്ച സന്ദേശമാണ് നൽകിയത്.

പ്രണവം ആഡിറ്റോറിയത്തിൽ നടന്ന കൺവെൻഷന് ശേഷം ​ശാസ്താംകോട്ട ടൗണിൽ എത്തിയ സ്ഥാനാർഥിക്ക് ആവേശകരമായ സ്വീകരണമാണ് ലഭിച്ചത്.വഴിനീളെ കണ്ടുമുട്ടിയ കച്ചവടക്കാരോടും വഴിയാത്രക്കാരോടും സൗഹൃദം പങ്കിട്ട്, വലിയ വാഗ്ദാനങ്ങൾക്കപ്പുറം ജനങ്ങളുമായുള്ള ആത്മബന്ധത്തിനാണ് താൻ പ്രാധാന്യം നൽകുന്നതെന്ന് അവർ തെളിയിച്ചു.വോട്ടർമാരുടെ സ്നേഹപ്രകടനങ്ങൾ രാജി പ്രസാദിന്റെ പര്യടനത്തെ ഒരു രാഷ്ട്രീയ പ്രചാരണത്തിനപ്പുറം ഒരു ജനകീയ ഉത്സവമാക്കി മാറ്റി

ശാസ്താംകോട്ട:ബിജെപിയുടെ നേതൃത്വത്തിൽ
കേരളത്തിൽ ഡബിൾ എൻജിൻ സർക്കാർ ഉണ്ടാകുമെന്ന് കേരളത്തിൻ്റെ പ്രഭാരി പ്രകാശ് ജാവദേക്കർ പറഞ്ഞു.കുന്നത്തൂർ നിയോജക മണ്ഡലം എൻഡിഎ സ്ഥാനാർത്ഥി രാജി പ്രസാദിൻ്റെ തെരഞ്ഞെടുപ്പ് കൺവെൻഷൻ ഭരണിക്കാവിൽ ഉദ്ഘാടനം ചെയ്യുകയായിരുന്നു അദ്ദേഹം.യുപിഎ ഭരണകാലത്ത് കേരളത്തിന് ഒട്ടേറെ കേന്ദ്ര മന്ത്രിമാരെ ലഭിച്ചെങ്കിലും സംസഥാനത്തിന് പ്രയോജനം ലഭിക്കുന്ന ഒന്നും നടപ്പാക്കിയില്ല.എന്നാൽ ഒരു എം.പി പോലും ഇല്ലാതിരുന്നപ്പോൾ പോലും മോദി സർക്കാരിൽ കേരളത്തിൽ നിന്നും കേന്ദ്രമന്ത്രിമാരുണ്ടായി.

ഇപ്പോൾ രണ്ട് കേന്ദ്രമന്ത്രിമാരിലൂടെ കേരളത്തിൽ വികസന കുതിപ്പാണ്.ഇവിടെയും അധികാരം ലഭിച്ചാൽ ഡബിൾ എൻജിൻ സർക്കാരിലൂടെ കേരളം വികസനത്തിൻ്റെ കൊടുമുടിയിലെത്തും.മോദി സർക്കാരിൻ്റെ വികസന നേട്ടങ്ങളും ആനുകൂല്യങ്ങളും ലഭിക്കാത്ത ഒരു കുടുംബം പോലും കേരളത്തിൽ ഉണ്ടാവില്ല.ഒരു തരത്തിൽ അല്ലെങ്കിൽ മറ്റൊരു രീതിയിൽ എല്ലാവരിലേക്കും ആനുകൂല്യങ്ങളും വികസന നേട്ടവും ലഭിക്കുന്നുണ്ട്.കഴിഞ്ഞ കാൽ നൂറ്റാണ്ടായി വികസനം പേരിന് പോലും എത്താത്ത കുന്നത്തൂരിൽ നിന്നും രാജി പ്രസാദ് ജയിച്ച് നിയമസഭയിൽ എത്തേണ്ടത് ബിജെപിയുടെ മാത്രം ആവശ്യമല്ല, ഈ നാട് ഒന്നടങ്കം അത് ആഗ്രഹിക്കുന്നുണ്ടെന്നും അദ്ധേഹം പറഞ്ഞു.ദേശീയ കൗൺസിൽ അംഗം ജി.ഗോപിനാഥ് അധ്യക്ഷത വഹിച്ചു.ജില്ലാ ജന.സെക്രട്ടറി ആലഞ്ചേരി ജയചന്ദ്രൻ,മാമ്പഴത്തറ സലീം,ബൈജു ചെറുപൊയ്ക,ആറ്റുപുറം സുരേഷ്,സന്തോഷ് ചിറ്റേടം,ധനേഷ് പുളിന്താനം തുടങ്ങിയവർ സംസാരിച്ചു.

കൊല്ലം: ആർ എസ് പി ലെ നിസ്റ്റിലുണ്ടായ പൊട്ടിത്തെറി രൂക്ഷമാകുന്നു. സംസ്ഥാന അസിസ്റ്റന്റ് സെക്രട്ടറി പി.ടി. ശ്രീകുമാർ പാർട്ടിയിൽ നിന്ന് രാജിവച്ചതിന് പിന്നാലെ ജില്ലയിൽ കൂടുതൽ പേർ പാർട്ടിയിൽ നിന്ന് രാജിവച്ചു.
പാർട്ടി പിളർന്നപ്പോൾ കുഞ്ഞു മോനെ വിശ്വസിച്ച് കൂടെ വന്ന പ്രവർത്തകരെ രാഷ്ട്രീയമായി ഇല്ലായ്മ ചെയ്യാനാണ് കുഞ്ഞുമോൻ ശ്രമിച്ചതെന്ന് രാജിവച്ചവർ ആരോപിച്ചു.

പാർട്ടി വിട്ടവർ കുന്നത്തൂരിൽ പ്രത്യേക കൺവെൻഷൻ വിളിച്ച് ചേർക്കാനും തീരുമാനിച്ചു
കുണ്ടറ നിയോജകമണ്ഡലം സെക്രട്ടറി അനിൽ പടപ്പക്കര . ആർ -വൈ എഫ് കുന്നത്തൂർ മണ്ഡലം സെക്രട്ടറി ശ്രീരാജ് ചിറ്റക്കാട്ട് – സംസ്ഥാന കമ്മിറ്റിയംഗം ഷാജഹാൻ – ജില്ലാ കമ്മിറ്റി അംഗങ്ങളായ ദിനേശ് കുണ്ടറ . ലിബിൻ – സജീൻ -കുന്നത്തൂർ മണ്ഡലം കമ്മിറ്റിയംഗങ്ങളായ ബി.കൃഷ്ണകുമാർ – അഞ്ജു പുഷ്പാകരൻ – അനിൽകുമാർ എന്നിവരാണ് രാജിവച്ചത്

ശാസ്താം കോട്ട. ബി ജെ പി മുൻ സംസ്ഥാന കമ്മിറ്റി അംഗവും  കുന്നത്തൂരിലെ തലമുതിർന്ന നേതാവും ആയിരുന്ന രഘുനാഥ് എസ് കല്ലട പാർട്ടി വിട്ടു ആർ എസ് പി യിൽ ചേർന്നു.രണ്ടു തവണ ബിജെപിയുടെ അസംബ്ളി സ്ഥാനാര്‍ഥി , ജില്ലാ പഞ്ചായത്ത് ഡിവിഷന്‍ സ്ഥാനാര്‍ഥി,കഴിഞ്ഞ ബ്ലോക്ക് പഞ്ചായത്ത് സ്ഥാനാര്‍ഥി എന്നീനിലയ്ക്ക് മല്‍സരിച്ചബിജെപിയുടെ വളരെ മുതിര്‍ന്ന നേതാവ രഘുനാഥ്  കുന്നത്തൂരിലെ നേതൃത്വത്തിൻ്റെ അവഗണനയിലും പ്രതിഷേധിച്ചാണ് ആർ എസ് പിയിൽ ചേർന്ന് പ്രവർത്തിക്കാൻ തീരുമാനിച്ചത്.

ആ എസ് പികുന്നത്തൂർ നിയോജക മണ്ഡലം ആഫീസിൽ വെച്ച് നടന്ന ചടങ്ങിൽ ആർ എസ് പി സംസ്ഥാന കമ്മിറ്റി അംഗം തുണ്ടിൽ നിസ്സാർ പതാക നൽകി പാർട്ടിയിലേക്ക് സ്വീകരിച്ചു. ആർ എസ് പി ശാസ്താംകോട്ട ലോക്കൽ സെക്രട്ടറി സുധാകരൻ പിള്ള, ആർ വൈ എഫ് ജില്ലാ സെക്രട്ടറി സുഭാഷ് എസ് കല്ലട, ആർ എസ് പി നേതാക്കളായ ശ്യാം പള്ളിശ്ശേരിക്കൽ, ബഷീർ പനപ്പെട്ടി, ഷിബു ചിറക്കട, നവാസ് ചേമത്തറ തുടങ്ങിയവർ സംസാരിച്ചു.