ശാസ്താംകോട്ട. തേവലക്കര ബോയ്സ് സ്കൂളില്‍ ഷോക്കേറ്റ് മരിച്ച മിഥുനിന്‍റെ സ്വപനം ഒടുവില്‍ യാഥാര്‍ഥ്യമായി. മിഥുന്‍ തന്‍റെ തകര്‍ന്ന വീടിന്‍റെ ഭിത്തിയില്‍ വരച്ചിരുന്നപോലെ ഒരു വീട് കേരള സ്കൗട്സ് ആന്‍ഡ് ഗൈയ്ഡ് നിര്‍മ്മാണം പൂര്‍ത്തിയാക്കിയത് മന്ത്രിമാര്‍ കുടുംബാംഗങ്ങള്‍ക്ക് കൈമാറി. ഇന്നു രാവിലെ പടിഞ്ഞാറേകല്ലട വിളന്തറ നടന്ന ചടങ്ങ് വിദ്യാഭ്യാസ മന്ത്രി വി.ശിവൻകുട്ടി ഉദ്ഘാടനം ചെയ്തു. ധനവകുപ്പുമന്ത്രി കെഎന്‍ ബാലഗോപാല്‍ താക്കോല്‍ കൈമാറി.

വീട് വെച്ച് കൊടുക്കാമെന്ന് പറഞ്ഞ് കാശ് പിരിച്ച് വീട് നിർമ്മിക്കാത്തവർ
ഉള്ള കാലമാണിതെന്ന് ഉദ്ഘാടന പ്രസംഗത്തില്‍ മന്ത്രി വി ശിവന്‍കുട്ടി പറഞ്ഞു. സ്വദേശത്ത് നിന്നും വിദേശത്തു നിന്നും പണം പിരിക്കുന്നു, വളരെ ഉത്തരവാദിത്തപ്പെട്ടവരാണ് അങ്ങനെ ചെയ്യുന്നത്. ആ സമയത്താണ് ഇവിടെ മിഥുൻ്റെ കുടുംബത്തിന് വീട്
വെച്ചു നൽകിയത്.
മിഥുൻ്റെ മാതാപിതാക്കളിൽ ആർക്കെങ്കിലും തേവലക്കര സ്കൂളിൽ ജോലി നൽകണമെന്ന് മന്ത്രി വി. ശിവൻകുട്ടി അഭ്യർത്ഥിച്ചു.

നിലവിലെ സിലബസ് കൂടുതലാണെന്ന് കുട്ടികൾക്ക് പരാതിയുണ്ട്, അടുത്ത വർഷം സിലബസ് 25 ശതമാനം കുറയും
പത്താം ക്ലാസ് സോഷ്യൽ സയൻസ് സിലബസിലെ ബുദ്ധിമുട്ട് ചുണ്ടിക്കാട്ടി മൂന്ന് കുട്ടികൾ മന്ത്രിക്ക് നിവേദനം നൽകിയിരുന്നു. ക്ലാസ് എടുത്ത് പറയാതെ അടുത്ത വർഷം സിലബസ് 25 ശതമാനം കുറയുമെന്ന് മന്ത്രി പറഞ്ഞു.

​ശാസ്താംകോട്ട: ടൗണിന്റെ ഹൃദയഭാഗത്ത് ഫിൽറ്റർ ഹൗസിന് എതിർവശത്തുള്ള രാജഗിരി (വാർഡ് 13) റോഡ് തകർന്ന് തരിപ്പണമായിട്ടും അധികൃതർ മൗനം പാലിക്കുന്നതിനെതിരെ നാട്ടുകാരുടെ പ്രതിഷേധം ശക്തമാകുന്നു. കഴിഞ്ഞ 15 വർഷമായി യാതൊരു അറ്റകുറ്റപ്പണിയും നടക്കാത്ത ഈ റോഡ് നിലവിൽ കാൽനടയാത്രക്കാർക്ക് പോലും ജീവൻ പണയപ്പെടുത്തി സഞ്ചരിക്കേണ്ട അവസ്ഥയിലാണ്.

​പ്രധാന പ്രശ്നങ്ങൾ:
​ഇടിഞ്ഞുതാഴുന്ന റോഡ്: വാട്ടർ അതോറിറ്റി കോമ്പൗണ്ടിനോട് ചേർന്നുള്ള ഭാഗത്ത് സംരക്ഷണ ഭിത്തി (Side Wall) ഇല്ലാത്തതിനാൽ റോഡ് വലിയ തോതിൽ ഇടിഞ്ഞുതാഴ്ന്നു കൊണ്ടിരിക്കുകയാണ്. പഞ്ചായത്തും വാട്ടർ അതോറിറ്റിയും ഉത്തരവാദിത്തം പരസ്പരം ഒഴിഞ്ഞുമാറുന്നതിനാൽ നിർമ്മാണം പാതിവഴിയിൽ നിലച്ച മട്ടാണ്.
​റോഡിന് നടുവിലെ മാരക പോസ്റ്റ്: റോഡിന്റെ പ്രവേശന കവാടത്തിൽ, കൃത്യം മധ്യഭാഗത്തായി നിൽക്കുന്ന ഇലക്ട്രിക് പോസ്റ്റ് വാഹനയാത്രക്കാർക്ക് വലിയ ഭീഷണിയാണ്. നിലവിൽ ടൗണിൽ ടൈൽ പാകുന്ന ജോലികൾ നടക്കുകയാണ്. ഇതിനിടയിൽ പോസ്റ്റ് മാറ്റിയില്ലെങ്കിൽ പിന്നീട് റോഡ് വെട്ടിപ്പൊളിക്കേണ്ടി വരുമെന്നും ഇത് പൊതുപണം ദുരുപയോഗം ചെയ്യലാകുമെന്നും നാട്ടുകാർ ചൂണ്ടിക്കാട്ടുന്നു.

​അവഗണിക്കപ്പെട്ട പരാതികൾ: മുഖ്യമന്ത്രിയുടെ പരാതി പരിഹാര അദാലത്തിലും നവകേരള സദസ്സിലും ഈ വിഷയം ഉന്നയിച്ചിട്ടും ഇതുവരെ ഒരു നടപടിയും ഉണ്ടായിട്ടില്ല എന്നത് പ്രതിഷേധാർഹമാണ്.

​സമര മുന്നറിയിപ്പ്:
​പ്രധാന റോഡിന്റെ ഉയരം വർദ്ധിച്ചതോടെ ഉണ്ടായ വലിയ ‘കട്ടിംഗ്’ കാരണം മുതിർന്നവരും കുട്ടികളും സ്ഥിരമായി ഇവിടെ അപകടത്തിൽപ്പെടുന്നു. ശാശ്വതമായ പരിഹാരം അടിയന്തരമായി ഉണ്ടായില്ലെങ്കിൽ, ടൗണിലെ റോഡ് പണി തടസ്സപ്പെടുത്തുന്നത് ഉൾപ്പെടെയുള്ള ശക്തമായ സമരപരിപാടികളിലേക്ക് നീങ്ങാനാണ് രാജഗിരി നിവാസികളുടെ തീരുമാനം