ചെന്നൈ: ഓണക്കാലത്തെ യാത്രാതിരക്ക് പരിഗണിച്ച് ചെന്നൈയിൽ നിന്ന് കൊല്ലത്തേക്കും മംഗളൂരുവിലേക്കും പ്രത്യേക ട്രെയിൻ സർവീസുകൾ പ്രഖ്യാപിച്ചു. ചെന്നൈ സെൻട്രൽ–കൊല്ലം റൂട്ടിൽ രണ്ട് പ്രത്യേക സർവീസുകളും എഗ്മോർ–മംഗളൂരു റൂട്ടിൽ ഒരു പ്രത്യേക സർവീസുമാണ് അനുവദിച്ചത്.
ചെന്നൈ സെൻട്രൽ–കൊല്ലം
ചെന്നൈ സെൻട്രലിൽ നിന്ന് ഈ മാസം 12, 19, 26, സെപ്റ്റംബർ 2 തീയതികളിൽ ഉച്ചകഴിഞ്ഞ് 3.10ന് പുറപ്പെടുന്ന പ്രത്യേക ട്രെയിൻ (06119) അടുത്ത ദിവസം രാവിലെ 7.20ന് കൊല്ലത്തെത്തും. 16 എസി ത്രീ ടിയർ ഇക്കോണമി കോച്ചുകളാണ് ട്രെയിനിലുണ്ടാകുക. സ്ലീപ്പർ, ജനറൽ കോച്ചുകൾ ഉണ്ടായിരിക്കില്ല.
ചെന്നൈ സെൻട്രലിൽ നിന്ന് ഈ മാസം 13, 15, 20, 22, 27, 29, സെപ്റ്റംബർ 3, 5 തീയതികളിൽ രാത്രി 11.50ന് പുറപ്പെടുന്ന മറ്റൊരു പ്രത്യേക ട്രെയിൻ (06117) പിറ്റേന്ന് വൈകിട്ട് 4.20ന് കൊല്ലത്തെത്തും. ഒരു ഫസ്റ്റ് ക്ലാസ് കം സെക്കൻഡ് എസി, രണ്ട് സെക്കൻഡ് എസി, നാല് എസി ത്രീ ടിയർ, 13 സ്ലീപ്പർ കോച്ചുകളാണ് ഈ ട്രെയിനിലുണ്ടാകുക.
ചെന്നൈ എഗ്മോർ–മംഗളൂരു
ചെന്നൈ എഗ്മോറിൽ നിന്ന് മംഗളൂരുവിലേക്ക് ഈ മാസം 18, 25, സെപ്റ്റംബർ 1 തീയതികളിൽ പ്രത്യേക ട്രെയിൻ (06125) സർവീസ് നടത്തും. ആറ് സ്ലീപ്പർ, എട്ട് എസി ത്രീ ടിയർ, ഒരു സെക്കൻഡ് എസി, നാല് ജനറൽ കോച്ചുകളാണ് ട്രെയിനിലുണ്ടാകുക.