കൊല്ലം അഞ്ചലിൽ പെട്രോളൊഴിച്ച് യുവാവ് ജീവനൊടുക്കാൻ ശ്രമിച്ചു. അഞ്ചൽ സ്വദേശി റഫീഖാണ് ഇന്ന് ഉച്ചയോടെ ആത്മഹത്യയ്ക്ക് ശ്രമിച്ചത്. മോഷണക്കേസിൽ ഭാര്യ റിമാൻഡിൽ കഴിയുന്നതിന്റെ വിഷമത്തിലാണ് ഇയാൾ ദേഹത്ത് പെട്രോളൊഴിച്ച് തീ കൊളുത്തിയത്. പൊലീസെത്തിയാണ് ഇയാളെ ഉടൻ ആശുപത്രിയിലേക്ക് മാറ്റിയത്. സ്വകാര്യ ബസിൽവെച്ച് കുട്ടിയുടെ സ്വർണ്ണക്കൊലുസ് മോഷ്ടിച്ച കേസിലാണ് റഫീഖിന്റെ ഭാര്യ റിമാൻഡിലായത്. പിന്നീട് ഇവരിൽനിന്ന് കൊലുസ് കണ്ടെടുത്തിരുന്നു.
