പത്തനംതിട്ട: ശബരിമല സ്വര്ണക്കൊള്ളക്കേസുമായി ബന്ധപ്പെട്ട് സന്നിധാനത്ത് വീണ്ടും എസ്ഐടി പരിശോധന. സ്വര്ണപ്പാളിയുമായി ബന്ധപ്പെട്ട തട്ടിപ്പിന്റെ വ്യാപ്തി കണ്ടെത്താന് വിശദമായ പരിശോധന വേണമെന്ന ഹൈക്കോടതി നിര്ദേശത്തിന്റെ പശ്ചാത്തലത്തിലുള്ള സാംപിള് ശേഖരണമാണ് എസ്ഐടി നടത്തുന്നത്. സ്വര്ണപ്പാളികളില് വ്യക്തത വരുത്താന് സ്വര്ണത്തിന്റെ സാംപിള് ശേഖരിച്ച് ഭാഭാ അറ്റോമിക് റിസര്ച്ച് സെന്ററില് പരിശോധനക്ക് അയക്കുന്നതിന്റെ സാധ്യത തേടാന് ഹൈക്കോടതി അനുമതി നല്കിയിരുന്നു. ഇതിനായാണ് ഇന്ന് സാംപിള് ശേഖരിക്കാനും കോടതി നിര്ദേശിച്ചിരുന്നു.
