കൊച്ചി: നടന് റിയാസ് പത്താന് കാറപകടത്തില് പരിക്കേറ്റു. തമിഴ്നാട്ടിലെ തേനിയ്ക്ക് അടുത്ത് വച്ച് കഴിഞ്ഞ ദിവസം രാവിലെ എട്ട് മണിയോടെയായിരുന്നു അപകടം. ഇദ്ദേ?ഹം സഞ്ചരിച്ച കാര് ഡിവൈഡറില് ഇടിച്ച് കയറുകയായിരുന്നു. റിയാസ് ഇരുന്ന ഭാഗമാണ് ഇടിച്ചു കയറിയത്. റിയാസിന്റെ മകന് അജ്മല് ആണ് കാര് ഓടിച്ചിരുന്നത്.
പരിക്കേറ്റതിനെ തുടര്ന്ന് ആദ്യം തേനി മെഡിക്കല് കോളജില് പ്രവേശിപ്പിച്ച നടനെ പിന്നീട് വിദഗ്ധ ചികിത്സക്കായി വൈക്കം ഇന്ഡോ അമേരിക്കന് ഹോസ്പിറ്റലിലേക്ക് മാറ്റി. ആലപ്പുഴയിലെ വീട്ടില് നിന്ന് രാവിലെ നാല് മണിക്കാണ് ഇവര് യാത്ര തിരിച്ചത്.
‘ഫ്ലാറ്റ് നമ്പര് 4 ബി’യില് പ്രധാനകഥാപാത്രമായെത്തി മലയാള സിനിമയില് അരങ്ങേറ്റം കുറിച്ച റിയാസ് ‘കായംകുളം കൊച്ചുണ്ണി’, ‘ക്ലിന്റ്’, ‘റാണി’, കന്നഡ ചിത്രമായ ‘ഗഡിയാറ’ തുടങ്ങി നിരവധി സിനിമകളില് അഭിനയിച്ചിട്ടുണ്ട്. കഴിഞ്ഞ ആഴ്ച മനോരമ മാക്സില് റിലീസ് ചെയ്ത ‘രണ്ടാം മുഖം’ എന്ന ചിത്രത്തിലും റിയാസ് ഒരു പ്രധാന കഥാപാത്രത്തെ അവതരിപ്പിച്ചിരുന്നു.
രണ്ട് സിനിമകളുടെ തിരക്കഥ രചിച്ച് വരുന്നതിനിടെയാണ് അപകടം സംഭവിച്ചത്. റിയാസ് ഉടന് ആശുപത്രിവിടുമെന്ന് അധികൃതര് അറിയിച്ചു. റിയാസിന്റെ മകന് അജ്മല് പരിക്കേല്ക്കാതെ രക്ഷപ്പെട്ടു.