അടൂർ∙ കെഎസ്ആർടിസി ബസ് പൊലീസ് ജീപ്പിലേക്ക് ഇടിച്ചുകയറി നാല് പൊലീസ് ഉദ്യോഗസ്ഥർക്കും ഒരു പ്രതിക്കും പരുക്കേറ്റു. കോയിപ്രം പൊലീസ് സഞ്ചരിച്ച ജീപ്പിലേക്കാണ് നിയന്ത്രണം നഷ്ടപ്പെട്ട കെഎസ്ആർടിസി ബസ് ഇടിച്ചു കയറിയത്. അപകടത്തിൽ എഎസ്ഐയ്ക്ക് സാരമായി പരുക്കേറ്റു.
കൊട്ടാരക്കര ജയിലിൽ എത്തിക്കുവാനുള്ള പ്രതികളുമായിട്ടാണ് കോയിപ്രം പൊലീസ് യാത്ര ചെയ്തത്. അടൂരിൽ വച്ചാണ് അപകടം ഉണ്ടായത്. പൊലീസ് ജീപ്പ് തകർത്ത ബസ് മറ്റൊരു ബസിലും ഇടിച്ചാണ് നിന്നത്. ബസിനു ബ്രേക്ക് നഷ്ടമായതാണ് അപകടകാരണമെന്നാണ് പ്രാഥമിക നിഗമനം. അപകടത്തെ തുടർന്ന് നഗരത്തിൽ വലിയ ഗതാഗതക്കുരുക്കും ഉണ്ടായി.
