Advertisement
കെയ്‌റോ: ലിബിയയില്‍ കുടിയേറ്റക്കാര്‍ സഞ്ചരിച്ച ബോട്ട് മുങ്ങി 53 പേരെ കാണാതായി. ഇതില്‍ കുഞ്ഞുങ്ങളും ഉള്‍പ്പെട്ടതായി ഐക്യരാഷ്ട്രസഭ അറിയിച്ചു. ആഫ്രിക്കന്‍ കുടിയേറ്റക്കാരുമായി പോയ ബോട്ടാണ് അപകടത്തില്‍പ്പെട്ടത്. 53 പേരും കൊല്ലപ്പെട്ടതായി വാര്‍ത്ത ഏജന്‍സിയായ ബിബിസി റിപ്പോര്‍ട്ട് ചെയ്തു.
ലിബിയയിലെ പടിഞ്ഞാറന്‍ പട്ടണമായ സവായയില്‍ നിന്ന് വ്യാഴാഴ്ച അര്‍ദ്ധരാത്രിയോടെയാണ് ബോട്ട് പുറപ്പെട്ടത്. ഏകദേശം ആറ് മണിക്കൂറിന് ശേഷം സുവാര പട്ടണത്തിന് സമീപം ബോട്ട് മറിയുകയായിരുന്നു. രണ്ട് നൈജീരിയന്‍ സ്ത്രീകള്‍ രക്ഷപ്പെട്ടു. അവരില്‍ ഒരാളുടെ ഭര്‍ത്താവിനെയും മറ്റൊരാളുടെ രണ്ട് കുഞ്ഞുങ്ങളെയും കാണാനില്ല.
2026 ല്‍ ഇതുവരെ ലിബിയയില്‍ നിന്ന് മെഡിറ്ററേനിയന്‍ കടല്‍ കടക്കാന്‍ ശ്രമിച്ച ഏകദേശം 500 കുടിയേറ്റക്കാര്‍ മരിക്കുകയോ കാണാതാവുകയോ ചെയ്തിട്ടുണ്ടെന്ന് ഐഒഎം പറയുന്നു.