കൊച്ചി: തിരുവോണദിനമായ ഇന്നും സംസ്ഥാനത്ത് സ്വർണവിലയിൽ മാറ്റമില്ല. ഒരു പവൻ സ്വർണത്തിന് 1,20,080 രൂപയും ഗ്രാമിന് 15,010 രൂപയുമാണ് ഇന്നത്തെ വില. നികുതിയും പണിക്കൂലിയും കൂടി ചേരുമ്പോൾ ആഭരണങ്ങളുടെ വില ഇനിയും ഉയരും.
കഴിഞ്ഞ 20 ദിവസത്തിനിടെ പവൻ വിലയിൽ 15,000 രൂപയുടെ വർധന രേഖപ്പെടുത്തിയിരുന്നു. തുടർന്ന് ഇന്നലെ നേരിയ ഇടിവുണ്ടായെങ്കിലും ഇന്ന് വില മാറ്റമില്ലാതെ തുടരുകയാണ്.
രാജ്യാന്തര വിപണിയിലെ ചലനങ്ങളാണ് സ്വർണവിലയെ പ്രധാനമായും സ്വാധീനിക്കുന്നത്. ഡോളർ ദുർബലമായതും യുഎസ് ബോണ്ട് ആദായത്തിലെ കുറവും കഴിഞ്ഞ ദിവസങ്ങളിൽ സ്വർണത്തിന് കരുത്തേകിയിരുന്നു. എന്നാൽ ഡോളർ വീണ്ടും ശക്തിപ്രാപിച്ചതടക്കമുള്ള ഘടകങ്ങൾ ഇന്നലെ വിലയിൽ പ്രതിഫലിച്ചു. യുഎസ് ഫെഡറൽ റിസർവിന്റെ പണപ്പെരുപ്പ ആശങ്കകളും സ്വർണവിപണിയെ സ്വാധീനിക്കുന്നുണ്ട്.
വരും ദിവസങ്ങളിലും രാജ്യാന്തര വിപണിയിലെ ചലനങ്ങൾക്കനുസരിച്ച് സംസ്ഥാനത്തെ സ്വർണവിലയിൽ മാറ്റമുണ്ടാകാൻ സാധ്യതയുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സംസ്ഥാനത്തെ സ്വർണവിലയിലെ റെക്കോർഡ്. ഡിസംബർ 23നാണ് ഒരു പവൻ സ്വർണത്തിന്റെ വില ആദ്യമായി ഒരു ലക്ഷം രൂപ കടന്നത്.