ധാക്കുവാഖാന: സന്തോഷ് ട്രോഫിയില് കേരളത്തിന് തോല്വി. കേരളത്തിന്റെ എട്ടാം കിരീടമെന്ന മോഹം സര്വ്വീസസ് തല്ലിക്കെടുത്തി. ഫൈനലില് എക്സ്ട്രാ ടൈമിലേക്ക് നീണ്ട പോരാട്ടത്തില് കേരളം ഒറ്റ ഗോള് വഴങ്ങി തോല്വി സമ്മതിച്ചു. തുടരെ രണ്ടാം വര്ഷമാണ് കേരളം സന്തോഷ് ട്രോഫി പോരാട്ടത്തിന്റെ ഫൈനലില് തോല്വി വഴങ്ങുന്നത്. കഴിഞ്ഞ തവണ ബംഗാളിനോടാണ് കേരളം പരാജയപ്പെട്ടത്.
നിശ്ചിത സമയത്ത് ഇരു ടീമുകളും ഗോളടിക്കാതെ പിരിഞ്ഞപ്പോള് മത്സരം എക്സ്ട്രാ ടൈമിലേക്ക് നീണ്ടു. എക്സ്ട്രാ ടൈമിന്റെ രണ്ടാം പകുതിയിലാണ് സര്വീസസ് വിജയ ഗോള് വലയിലിട്ടത്. 109-ാം മിനിറ്റിലാണ് സര്വീസസ് വിജയ ഗോള് വലയിലാക്കി തങ്ങളുടെ എട്ടാം സന്തോഷ് ട്രോഫിയില് മുത്തമിട്ടത്. എക്സ്ട്രാ ടൈമിന്റെ 109-ാം മിനിറ്റില് അഭിഷേക് പവാറാണ് സര്വീസസിനായി വിജയ ഗോള് നേടിയത്. അവര് 1-0ത്തിനു ജയവും കിരീടവും പിടിച്ചെടുത്തു.