ഭര്ത്താവുമായി വഴക്കിട്ടതിനുപിന്നാലെ പത്തുമാസം പ്രായമുള്ള മകനെ വിഷം കൊടുത്തുകൊന്നശേഷം ഇരുപത്തേഴുകാരി ജീവനൊടുക്കി. ഹൈദരാബാദിലെ മീര്പേട്ട് പൊലീസ് സ്റ്റേഷന് പരിധിയിലാണ് സംഭവം. ചാര്ട്ടേഡ് അക്കൗണ്ടന്റായ യശ്വന്ത് റെഡ്ഡിയുടെ ഭാര്യ സുഷമയും മകന് യശ്വര്ദ്ധന് റെഡ്ഡിയുമാണ് മരിച്ചത്.
മകളും ചെറുമകനും മരിച്ച് കിടക്കുന്നത് നേരില്ക്കണ്ട സുഷമയുടെ അമ്മ ലളിതയും ജീവനൊടുക്കാന് ശ്രമിച്ച് ആശുപത്രിയിലാണ്. നാലുവര്ഷം മുമ്പാണ് സുഷമ വിവാഹിതയായത്. കഴിഞ്ഞ കുറച്ചുകാലമായി ദമ്പതികള്ക്കിടയില് തര്ക്കങ്ങള് ഉണ്ടായിരുന്നുവെന്ന് കുടുംബാംഗങ്ങള് പറയുന്നു.