തിരുപ്പതി ക്ഷേത്രത്തില് 2015 മുതല് 2025 വരെയുള്ള കണക്കുകള് പ്രകാരം സില്ക്ക് ഷാളുമായി ബന്ധപ്പെട്ട് 54 കോടി രൂപയുടെ അഴിമതി നടന്നതായി് റിപ്പോര്ട്ട്്. ആഭ്യന്തര വിജിലന്സ് ആണ് അഴിമതി അന്വേഷണത്തില് കണ്ടെത്തിയത്.
സില്ക്ക് ഷാള് എന്ന പേരില് പോളിസ്റ്റര് ഷാളുകള് വിതരണം ചെയ്ത് കോടികളുടെ അഴിമതി നടത്തിയതായാണ് കണ്ടെത്തല്. ടെന്ഡറില് സില്ക്ക് ഉല്പ്പന്നം എന്നാണ് രേഖപ്പെടുത്തിയിരിക്കുന്നത്. എന്നാല് കരാറുകാരന് ടെന്ഡര് അനുസരിച്ച് സില്ക്ക് ഷാള് നല്കുന്നതിന് പകരം 100 ശതമാനം പോളിസ്റ്റര് ഷാള് സ്ഥിരമായി വിതരണം ചെയ്ത് കോടികളുടെ അഴിമതി നടത്തി എന്നതാണ് വിജിലന്സ് കണ്ടെത്തല്. സില്ക്ക് ഷാള് എന്ന പേരില് പോളിസ്റ്റര് ഷാള് ബില്ല് ചെയ്താണ് തട്ടിപ്പ് നടത്തിയത് എന്നാണ് റിപ്പോര്ട്ട് വ്യക്തമാക്കുന്നത്.