മുംബൈ: ഓൺലൈൻ ടാക്സി സേവനദാതാക്കളും ഇലക്ട്രിക്ക് ഇരുചക്ര വാഹന നിർമ്മാതാക്കളുമായ ഒല തൊഴിലാളികളെ പിരിച്ചുവിടാൻ ഒരുങ്ങുന്നതായി റിപ്പോർട്ട്. 2000ത്തോളം വരുന്ന എഞ്ചിനീയറിംഗ് തൊഴിലാളിലകളിൽ നിന്ന് 10 ശതമാനം ജീവനക്കാരെയാണ് ഒല പിരിച്ചുവിടുന്നത്. അതായത് മൊത്തം എഞ്ചിനീയറിംഗ് തൊഴിലാളികളിൽ നിന്ന് 200 ഓളം ജോലിക്കാരെ പിരിച്ചുവിടാനാണ് കമ്പനിയുടെ തീരുമാനം എന്നാണ് റിപ്പോർട്ടുകൾ.

എന്നാൽ ജീവനക്കാരുടെ എണ്ണം കുറയ്ക്കുന്നതിനെ കുറിച്ച് കൂടുതൽ കാര്യങ്ങൾ കമ്പനി പുറത്തിവിട്ടിട്ടില്ല. കമ്പനിയുടെ മൊത്തത്തിലുള്ള ജീവനക്കാരുടെ പുനർനിർമ്മാണം ആണ് ലക്‌ഷ്യം വെക്കുന്നത് അതിനാൽ തന്നെ അടുത്ത 18 മാസത്തിനുള്ളിൽ തങ്ങളുടെ എഞ്ചിനീയറിംഗ് ജീവനക്കാരുടെ എണ്ണം 5,000 ആയി ഉയർത്താൻ ലക്ഷ്യമിടുന്നതായി സ്ഥാപനം അറിയിച്ചതായി ഫിനാൻഷ്യൽ എക്സ്പ്രസ് റിപ്പോർട്ട് ചെയ്യുന്നു. പ്രീ-ഓൺഡ് കാർ ബിസിനസ് ഒല കാറുകളും ക്വിക്ക് കൊമേഴ്‌സ് യൂണിറ്റ് ഒല ഡാഷും അടച്ചുപൂട്ടിയതിനെത്തുടർന്ന് ഭവിഷ് അഗർവാളിന്റെ നേതൃത്വത്തിലുള്ള കമ്പനി നേരത്തെ 1,000 ജീവനക്കാരെ പിരിച്ചുവിട്ടിരുന്നതായും ഫിനാൻഷ്യൽ എക്സ്പ്രസ് റിപ്പോർട്ട് ചെയ്യുന്നു.

അതേസമയം ഇന്ത്യയിൽ ഓൺലൈൻ പർച്ചേസിംഗ് സൗകര്യം കൂടാതെ രാജ്യത്തുടനീളം എക്സ്പീരിയൻസ് സെന്ററുകൾ ആരംഭിക്കാൻ ഒല ഇലക്ട്രിക് ഒരുങ്ങുന്നതായി കഴിഞ്ഞ ദിവസം റിപ്പോർട്ടുകൾ പുറത്തുവന്നിരുന്നു. കമ്പനിയുടെ സിഇഒ ഭവിഷ് അഗർവാൾ ഇക്കാര്യം അറിയിച്ചതായാണ് റിപ്പോർട്ടുകൾ. ഇത്തരത്തിലുള്ള 20 എക്സ്പീരിയൻസ് സെന്ററുകൾ ഇതിനകം തുറന്നിട്ടുണ്ടെങ്കിലും, അടുത്ത വർഷം മാർച്ചോടെ ഇത്തരത്തിലുള്ള 200 സൗകര്യങ്ങൾ തുറക്കാനാണ് കമ്പനി പദ്ധതിയിടുന്നത്. കമ്പനിയുടെ ഷോറൂമുകളുടെ ചിത്രങ്ങളും അഗർവാൾ ട്വിറ്ററിൽ പോസ്റ്റ് ചെയ്‍തിട്ടുണ്ട്. അവിടെ ഇലക്ട്രിക് സ്‌കൂട്ടറുകൾ പ്രദർശിപ്പിച്ചിട്ടുണ്ട്.

കമ്പനിയുടെ ബാറ്ററിയിൽ പ്രവർത്തിക്കുന്ന ഓഫറുകൾ കൂടുതൽ ആളുകൾക്ക് അനുഭവിക്കാൻ ഈ ഷോറൂമുകൾ സഹായിക്കുമെന്ന് അഗർവാൾ വിശ്വസിക്കുന്നു. “ഓൺലൈൻ വാങ്ങലുകളുടെയും ടെസ്റ്റ് റൈഡുകളുടെയും സൗകര്യം ഇഷ്ടപ്പെടുന്ന ഉപഭോക്താക്കൾ – പ്രതിദിനം ആയിരക്കണക്കിന് വളരുന്നു. അനുഭവ കേന്ദ്രങ്ങൾ കൂടുതൽ ആളുകളെ ഞങ്ങളുടെ ഉൽപ്പന്നങ്ങൾ അനുഭവിക്കാൻ പ്രാപ്‍തരാക്കും..!” അഗർവാൾ പറയുന്നു.

അതേസമയം 2022 ഓഗസ്റ്റ് മാസത്തിലെ വാഹന വിൽപ്പന കണക്കുകൾ പുറത്തു വരുമ്പോൾ ഇലക്ട്രിക്ക് ടൂ വീലർ വിൽപ്പനയിൽ ഒല ഇലക്ട്രിക്കിനെ ഏഥർ എനർജി മറികടന്നിരുന്നു. 2021-2022 ന്റെ ആദ്യ അവസാന രണ്ട് പാദങ്ങളിൽ വിൽപ്പനയിൽ കുത്തനെ വർദ്ധനവിന് സാക്ഷ്യം വഹിച്ച ഒല ഇലക്ട്രിക്കിന്, കഴിഞ്ഞ രണ്ട് മാസങ്ങളിൽ വിൽപ്പന ഗണ്യമായി കുറഞ്ഞു. ഓല ഇലക്ട്രിക്കിന് ഓഗസ്റ്റിൽ 3,421 യൂണിറ്റ് എസ് 1 പ്രോ ഇലക്ട്രിക് സ്‌കൂട്ടർ വിതരണം ചെയ്യാൻ കഴിഞ്ഞു, ജൂലൈയിൽ ഇത് 3,862 യൂണിറ്റായിരുന്നു. ഈ വർഷം ഏപ്രിലിൽ 12,000 യൂണിറ്റുകൾ ഒല വിറ്റഴിച്ചിരുന്നു എന്നത് കണക്കിലെടുക്കുമ്പോൾ വിൽപ്പനയിലെ ഈ ഇടിവ് വളരെ വലുതാണ്.

കമ്പനിയിൽ നിന്നുള്ള മറ്റൊരു വാർത്തയിൽ, ഈ മാസം ആദ്യം ലോക ഇവി ദിനത്തിൽ, 2024-ൽ നിരത്തിലിറങ്ങാൻ പോകുന്ന ഇലക്ട്രിക് കാറിന്റെ പിന്നാമ്പുറ പ്രവർത്തനങ്ങളുടെ ഒരു ദൃശ്യവും ഒല പുറത്തുവിട്ടിരുന്നു. വീഡിയോ കാറിന്റെ ഡിസൈനിംഗ് പ്രക്രിയ കാണിക്കുന്നു. പുറം, ആദ്യം ഒരു കമ്പ്യൂട്ടറിലും പിന്നീട് ക്ലേ മോഡലിംഗിലൂടെയും. മോഡലിന്റെ മുഖത്ത് മുകളിൽ മൂന്ന് കറുത്ത വരകളും ബോണറ്റിലേക്ക് ഒരു കറുത്ത വരയും ഉണ്ട്.