തിരുവനന്തപുരം: കെഎസ്ആര്ടിസിയിലെ സൗജന്യയാത്ര ഔദാര്യമല്ലെന്നും സ്ത്രീകള്ക്കുള്ള ആദരവാണെന്നും മുഖ്യമന്ത്രി വിഡി സീതശന്. ഇത് കെഎസ്ആര്ടിസിയെ പ്രതിസന്ധിയിലാക്കുന്ന തീരുമാനമല്ലെന്നും ഭാവിയില് സര്ക്കാര് തുകവേണ്ടെന്ന് കെഎസ്ആര്ടിസി തന്നെ പറയുമെന്നും മുഖ്യമന്ത്രി പറഞ്ഞു. ‘പ്രിയദര്ശിനി’ ബസ് യാത്രാ പദ്ധതിയുടെ സംസ്ഥാനതല ഉദ്ഘാടനം നിര്വഹിച്ച് സംസാരിക്കുകയായിരുന്നു വിഡി സതീശന്.
സര്ക്കാരിനെ സംബന്ധിച്ച് ഇത് അഭിമാനനിമിഷമാണ്. അധികാരത്തിലെത്തിയിട്ട് ഒരു മാസമാകുന്നതിന് മുന്പ് ജനങ്ങള്ക്ക് നല്കിയ വാഗ്ദാനം പാലിക്കാന് പറ്റിയ ചാരിതാര്ഥ്യത്തിലാണ് താന് ഇവിടെ നില്ക്കുന്നതെന്ന് മുഖ്യമന്ത്രി പറഞ്ഞു. സര്ക്കാര് സ്ത്രീകള്ക്ക് നല്കുന്ന ഔദാര്യമല്ല ഇത്. ഈ പദ്ധതിക്ക് സാമൂഹ്യവും സാമ്പത്തികവുമായ പ്രതിഫലനങ്ങള് ഉണ്ടാക്കാനാകും. സര്ക്കാരിന്റെ വണ്ടിയില് യാത്ര ചെയ്യുകയെന്നത് സ്ത്രീകളെ സംബന്ധിച്ച് അഭിമാനമാണെന്നും മുഖ്യമന്ത്രി പറഞ്ഞു. സ്ത്രീകള്ക്ക് സൗജന്യം നല്കിയാല് അത് സമ്പാദ്യമാകും. ആ പണം സര്ക്കാരിന് കിട്ടുമെന്നും എന്നാല് പുരുഷന്മാര്ക്ക് സൗജന്യം നല്കിയാല് ആപണം വീട്ടിലെത്തില്ലെന്നും mjd]ക്കാരിന് കിട്ടും, അത് എവിടെ പോകുമെന്ന് ഏവര്ക്കും അറിയാമെന്നും മുഖ്യമന്ത്രി പറഞ്ഞു
സൗജന്യയാത്രമൂലം ഇത്രയും രൂപ മാറ്റിവയ്ക്കാന് സ്ത്രീകള്ക്ക് കഴിയും. അതുപോലും എന്ത് ചെയ്യണമെന്ന് അവര് തീരുമാനിച്ചിട്ടുണ്ട്. സര്ക്കാര് 800 കോടിയാണ് ഈ പദ്ധതിക്കായി മുടക്കുന്നത്. കെഎസ്ആര്ടിസിയെ സാമ്പത്തിക പ്രതിസന്ധിയിലാക്കി ഇത് നിങ്ങള് ചെയ്തോ എന്ന് പറഞ്ഞിട്ടില്ല. കുറച്ചുനാള് കഴിഞ്ഞ് ഗതാഗതവകുപ്പ് തന്നെ പറയും ഇതിനാവശ്യമായ പണം കെഎസ്ആര്ടിസി തന്നെ കണ്ടെത്തുമെന്ന്. ഗതാഗതമന്ത്രിയിലും അദ്ദേഹത്തിന്റെ ടീമിലും വിശ്വാസമുണ്ടെന്നും കെഎസ്ആര്ടിസിയുടെ വരുമാനം വര്ധിപ്പിക്കാനുള്ള പദ്ധതികള് തുടങ്ങുമെന്നും സതീശന് പറഞ്ഞു.
പരിപാടിയില് മന്ത്രി സി.പി.ജോണ് അധ്യക്ഷത വഹിച്ചു. ഉദ്ഘാടനശേഷം മുഖ്യമന്ത്രിയും മന്ത്രിമാരും ജനപ്രതിനിധികളും ബസില് യാത്ര ചെയ്തു തമ്പാനൂര് സെന്ട്രല് ബസ് സ്റ്റേഷനില്നിന്നു സെക്രട്ടേറിയറ്റ് വരെയാണു യാത്ര. സംസ്ഥാനത്തെ എല്ലാ ഡിപ്പോകളിലും ജനപ്രതിനിധികളുടെ നേതൃത്വത്തില് പ്രാദേശികതല ഉദ്ഘാടനങ്ങളും നടന്നു.
സെക്രട്ടറിയേറ്റിന്റെ സമരഗേറ്റിലൂടെ ബസ് അകത്തേക്ക് ഓടിച്ച് നോര്ത്ത് ബ്ളോക്കിനുമുന്നില് മുഖ്യമന്ത്രിയേയും ഗതാഗതമന്ത്രിയേയും ഉദ്യോഗസ്ഥരെയും ഇറക്കിയതോടെ കെഎസ്ആര്ടിസിയുടെ പ്രിയദര്ശിനി യാത്രാ വിസ്മയം സമാപിച്ചു. പദ്ധതി നിരത്തിലേക്ക് നീളുകയായി.
