ന്യൂയോർക്ക്: ഫിഫ ലോകകപ്പ് ഫൈനലിൽ അർജന്റീനയ്ക്കെതിരായ പോരാട്ടത്തിന് മുന്നോടിയായി സ്പാനിഷ് യുവതാരം Lamine Yamal പുതിയ ഹെയർസ്റ്റൈലുമായി കളത്തിലിറങ്ങും. മത്സരങ്ങൾക്ക് മുമ്പ് താരങ്ങൾ ലുക്ക് മാറ്റുന്നത് പതിവാണെങ്കിലും, യമാലിന്റെ ഹെയർകട്ടിനായി ഹെയർ സ്റ്റൈലിസ്റ്റ് റോൾസ് റോയ്സ് കാറിൽ എത്തിയതാണ് ആരാധകരുടെ ശ്രദ്ധ പിടിച്ചുപറ്റിയത്. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായിരിക്കുകയാണ്.
അമേരിക്കയിലെ പ്രശസ്ത ഹെയർ സ്റ്റൈലിസ്റ്റായ 22-കാരൻ ബ്രയാൻ ഗ്വാർഡാഡോയാണ് സ്പാനിഷ് ടീമിലെ താരങ്ങളുടെ ഹെയർകട്ടിന് നേതൃത്വം നൽകുന്നത്. വെള്ളിയാഴ്ച ടീം ഹോട്ടലിലെത്തിയ അദ്ദേഹം ആഡംബര വാഹനമായ റോൾസ് റോയ്സിൽ വന്നിറങ്ങുന്ന ദൃശ്യങ്ങളാണ് വൈറലായത്.
പുറത്തുവന്ന വീഡിയോയിൽ ബ്രയാൻ ഗ്വാർഡാഡോ റോൾസ് റോയ്സിൽ നിന്ന് ഇറങ്ങുന്നതും തുടർന്ന് യമാലിന് ഹെയർകട്ട് ചെയ്യുന്നതുമാണ് കാണുന്നത്. ഹെയർകട്ടിന് ശേഷം യമാലിന്റെ ഒപ്പോടുകൂടിയ ജഴ്സിയും ബ്രയാൻ സമ്മാനമായി ഏറ്റുവാങ്ങി.