Advertisement
പെട്രോള്, ഡീസല് വിലയിൽ വീണ്ടും വര്ധന. ലിറ്ററിന് 90 പൈസ വീതമാണ് വര്ധിപ്പിച്ചത്. ഒരാഴ്ചയ്ക്കുള്ളില് ഉണ്ടാകുന്ന രണ്ടാമത്തെ വില വര്ധനയാണിത്. പശ്ചിമേഷ്യന് സംഘര്ഷത്തെ തുടര്ന്ന് എണ്ണവില കുത്തനെ ഉയര്ന്നതിനെ തുടര്ന്നാണ് വീണ്ടും വില വര്ധിപ്പിച്ചതെന്നാണ് എണ്ണ വിതരണ കമ്പനികള് പറയുന്നത്. കൊച്ചിയില് പെട്രോള് വില 109.73 രൂപയായി. 98.63 രൂപയാണ് പുതുക്കിയ ഡീസല് വില.
ദേശീയ തലസ്ഥാനത്ത് പെട്രോള് വില ലിറ്ററിന് 97.77 രൂപയില് നിന്ന് 98.64 രൂപയായി ഉയര്ന്നു. ഡീസലിന് മുന്പുണ്ടായിരുന്ന 90.67 രൂപയില് നിന്ന് ഇപ്പോള് 91.58 രൂപയായാണ് വര്ധിച്ചത്. കഴിഞ്ഞ വെള്ളിയാഴ്ചയാണ് ലിറ്ററിന് 3 രൂപ വീതം വര്ദ്ധിപ്പിച്ചത്. മുംബൈയില് പെട്രോള് വില 91 പൈസ വര്ദ്ധിച്ച് ലിറ്ററിന് 107.59 രൂപയായും ഡീസല് വില 94 പൈസ വര്ദ്ധിച്ച് 94.08 രൂപയായും ഉയര്ന്നു.
Advertisement
