തൃശ്ശൂര്: ജില്ലയില് ജൂലൈ നാല് ശനിയാഴ്ച വിദ്യാഭ്യാസ സ്ഥാപനങ്ങള്ക്ക് കലക്ടര് ശിഖ സുരേന്ദ്രന് അവധി പ്രഖ്യാപിച്ചു. സര്ക്കാര്, എയ്ഡഡ്, അണ്എയ്ഡഡ്, CBSE, ICSE, കേന്ദ്രീയ വിദ്യാലയങ്ങള്, അങ്കണവാടികള്, മദ്റസകള്, ട്യൂഷന് സെന്ററുകള്ക്ക് ഉള്പ്പെടെ അവധി ബാധകമാണ്. കനത്ത മഴ തുടരുന്ന പശ്ചാത്തലത്തില് വിദ്യാര്ഥികളുടെ സുരക്ഷ കണക്കിലെടുത്താണ് അവധിയെന്ന് കലക്ടര് അറിയിച്ചു.
അതേസമയം, മുന്കൂട്ടി നിശ്ചയിച്ചിട്ടുള്ള പരീക്ഷകള്ക്കും ഇന്റര്വ്യൂവിനും അവധി ബാധകമായിരിക്കില്ല. എല്ലാവരും ജാഗ്രത പാലിക്കണമെന്നും, അനാവശ്യ യാത്രകള് ഒഴിവാക്കണമെന്നും കലക്ടര് അഭ്യര്ത്ഥിച്ചു. ദുരന്തനിവാരണ വകുപ്പും ജില്ലാ ഭരണകൂടവും നല്കുന്ന ഔദ്യോഗിക മുന്നറിയിപ്പുകളും നിര്ദേശങ്ങളും കര്ശനമായി പാലിക്കുക.