ഇന്ത്യക്കാരിൽ വിറ്റാമിൻ ഡി-യുടെ കുറവ് വളരെ സാധാരണമാണ്. ധാരാളം സൂര്യപ്രകാശം ലഭിക്കുന്ന കാലാവസ്ഥയിൽ ജീവിക്കുന്നവരാണെങ്കിൽ കൂടി 80 ശതമാനത്തിലധികം ഇന്ത്യക്കാരും വിറ്റാമിൻ ഡി-യുടെ കുറവ് അനുഭവിക്കുന്നവരാണന്ന് പഠനങ്ങൾ പറയുന്നു.
ഇൻഡോർ ജീവിതശൈലികൾ, സൺസ്‌ക്രീനുകളുടെ വർദ്ധിച്ച ഉപയോഗം, UVB രശ്മികളെ തടയുന്ന വായു മലിനീകരണം
ഇൻഡോർ ജീവിതശൈലികൾ, സൺസ്‌ക്രീനുകളുടെ വർദ്ധിച്ച ഉപയോഗം, UVB രശ്മികളെ തടയുന്ന വായു മലിനീകരണം, ശരീരം മുഴുവൻ മൂടുന്ന വസ്ത്രം ധരിക്കുന്നത് പോലുള്ളവ വിറ്റാമിൻ ഡിയുടെ കുറവിന് കാരണമാകുന്നു.
കാൽസ്യം ആഗിരണം, അസ്ഥികളുടെ ആരോഗ്യം, രോഗപ്രതിരോധ പ്രവർത്തനം, മാനസികാവസ്ഥ നിയന്ത്രണം എന്നിവയിൽ വിറ്റാമിൻ ഡി ഒരു പ്രധാന പങ്ക് വഹിക്കുന്നു.
ബലഹീനത, ക്ഷീണം, പേശി വേദന, കുറഞ്ഞ പ്രതിരോധശേഷി എന്നിവയ്ക്ക് കാരണമാകും
വിറ്റാമിൻ ഡിയുടെ കുറന് അസ്ഥികളുടെ ബലഹീനത, ക്ഷീണം, പേശി വേദന, കുറഞ്ഞ പ്രതിരോധശേഷി എന്നിവയ്ക്ക് കാരണമാകും. കൂടാതെ കഠിനമായ കേസുകളിൽ കുട്ടികളിൽ റിക്കറ്റുകൾ, മുതിർന്നവരിൽ ഓസ്റ്റിയോമലാസിയ തുടങ്ങിയ അവസ്ഥകൾക്കും കാരണമാകും. വിറ്റാമിൻ ഡിയുടെ അളവ് കുറഞ്ഞാൽ പ്രകടമാകുന്ന ചില ലക്ഷണങ്ങൾ.
തുടർച്ചയായ ക്ഷീണവും ഊർജ്ജക്കുറവുമാണ് ആദ്യത്തെ ലക്ഷണം
തുടർച്ചയായ ക്ഷീണവും ഊർജ്ജക്കുറവുമാണ് ആദ്യത്തെ ലക്ഷണം. ആവശ്യത്തിന് ഉറക്കം ലഭിച്ചിട്ടും നിരന്തരമായ ക്ഷീണമോ മന്ദതയോ അനുഭവപ്പെടുന്നത് വിറ്റാമിൻ ഡിയുടെ കുറവിന്റെ ലക്ഷണമാണ്. വിറ്റാമിൻ ഡിയുടെ കുറവ് പലപ്പോഴും നിരന്തരമായ ക്ഷീണം, പേശീബലക്കുറവ്, ശരീരവേദന എന്നിവയ്ക്ക് കാരണമാകുന്നു.
അസ്ഥി വേദനയും നടുവേദനയുമാണ് രണ്ടാമത്തെ ലക്ഷണം
അസ്ഥി വേദനയും നടുവേദനയുമാണ് രണ്ടാമത്തെ ലക്ഷണം. ശരീരത്തെ കാൽസ്യം ആഗിരണം ചെയ്യാൻ സഹായിക്കുന്നത് വിറ്റാമിൻ ഡി ആണ്. ഇതിന്റെ അളവ് കുറയുന്നത് അസ്ഥികളിൽ, പ്രത്യേകിച്ച് നടുവിന്റെ താഴെ ഭാഗം, ഇടുപ്പ്, വാരിയെല്ലുകൾ എന്നിവിടങ്ങളിൽ ആഴത്തിലുള്ളതും മന്ദമായതുമായ വേദനയ്ക്ക് കാരണമായേക്കാം.
പേശികളുടെ ബലഹീനതയും വേദനയുമാണ് മൂന്നാമത്തെ ലക്ഷണം
പേശികളുടെ ബലഹീനതയും വേദനയുമാണ് മൂന്നാമത്തെ ലക്ഷണം. വിറ്റാമിൻ ഡിയുടെ കുറവ് പേശികളുടെ പ്രവർത്തനത്തെ ബാധിച്ചേക്കാം. ഇത് പേശികളുടെ ബലഹീനത (പ്രത്യേകിച്ച് കാലുകളിൽ), പേശിവലിവ് (ക്രാമ്പ്), അല്ലെങ്കിൽ പടികൾ കയറുന്നത് പോലുള്ള ദൈനംദിന ചലനങ്ങളിലെ ബുദ്ധിമുട്ട് എന്നിവയ്ക്ക് കാരണമായേക്കാം. വിറ്റാമിൻ ഡി-യുടെ കുറവ് മൂലം രക്തത്തിലെ കാൽസ്യം അളവ് കുറയുകയാണെങ്കിൽ, വായയുടെ ഭാഗത്തോ കൈകാലുകളിലോ തരിപ്പ് അനുഭവപ്പെട്ടേക്കാം.
തുടർച്ചയായ രോഗങ്ങളോ അണുബാധകളോ ശ്രദ്ധിക്കേണ്ട മറ്റൊരു ലക്ഷണമാണ്
തുടർച്ചയായ രോഗങ്ങളോ അണുബാധകളോ ശ്രദ്ധിക്കേണ്ട മറ്റൊരു ലക്ഷണമാണ്. രോഗപ്രതിരോധ സംവിധാനത്തെ ശക്തിപ്പെടുത്തുന്നതിൽ വിറ്റാമിൻ ഡി നിർണായക പങ്ക് വഹിക്കുന്നു. ഇതിന്റെ അളവ് കുറയുന്നത് വൈറസുകളെയും ബാക്ടീരിയകളെയും പ്രതിരോധിക്കാനുള്ള ശരീരത്തിന്റെ ശേഷി കുറയ്ക്കുകയും, തൽഫലമായി ജലദോഷം അല്ലെങ്കിൽ ശ്വാസകോശ സംബന്ധമായ അണുബാധകൾ എളുപ്പത്തിൽ പിടിപെടാൻ കാരണമാവുകയും ചെയ്യും.
വിഷാദ ലക്ഷണങ്ങൾ, അസ്വസ്ഥത എന്നിവയുമായി വിറ്റാമിൻ ഡിയുടെ കുറവിന് പലപ്പോഴും ബന്ധമുണ്ട്
സൂര്യപ്രകാശം കുറയുമ്പോൾ ഉണ്ടാകുന്ന വിഷാദ ലക്ഷണങ്ങൾ, അസ്വസ്ഥത എന്നിവയുമായി വിറ്റാമിൻ ഡിയുടെ കുറവിന് പലപ്പോഴും ബന്ധമുണ്ട്. വിറ്റാമിൻ ഡി സപ്ലിമെന്റേഷൻ വിഷാദരോഗ ലക്ഷണങ്ങൾ കുറയ്ക്കാൻ സഹായിച്ചേക്കാം.
