എക്സൈസ് വകുപ്പിന്റെ ‘ഓപ്പറേഷൻ ശുദ്ധി’യിലൂടെ കള്ള് ഷാപ്പുകളിൽ ടച്ചിങ്സ് നൽകുന്നതിൽ നിയന്ത്രണം. പാക്കറ്റിൽ അല്ലാതെ വിൽക്കുന്നവയ്ക്ക് ഭക്ഷ്യസുരക്ഷാ വകുപ്പിന്റെ ലൈസൻസ് വേണമെന്നാണ് നിബന്ധന. കോട്ടയത്ത് ഷാപ്പിൽ മീൻ തലക്കറി കഴിച്ച് ഒരാൾ മരിച്ച സാഹചര്യത്തിലാണ് നടപടി. പുഴുങ്ങിയ മുട്ട നൽകണമെങ്കിൽ പോലും ലൈസൻസ് വേണമെന്ന തരത്തിലുള്ള കടുത്ത നിബന്ധനകളിൽ ഷാപ്പ് മുതലാളിമാർ പ്രതിഷേധത്തിൽ ആണെങ്കിലും ഉപഭോക്താക്കൾ തീരുമാനത്തെ ഇരു കൈ നീട്ടി സ്വീകരിക്കുകയാണ്.
