കാന്ബറ. ജീവിച്ചിരിക്കുന്ന ഉറ്റവരെപ്പോലും മറക്കാനിഷ്ടപ്പെടുന്ന ന്യൂജെന് കാലത്ത്, പിതൃക്കളെ ശ്രാദ്ധമൂട്ടി ഒരു വിഭാഗം വിദേശ മലയാളികള്. ഓസ്ട്രേലിയയുടെ തലസ്ഥാനമായ കാൻബറയിൽ, കാൻബറ അയ്യപ്പ സമാജത്തിന്റെ ആഭിമുഖ്യത്തിൽ കർക്കിടക വാവ് ബലിതർപ്പണ ചടങ്ങുകൾ ഭക്തിപൂർവം നടന്നു. അർജുൻ അയ്യങ്കാർ പണ്ഡിറ്റിന്റെ മുഖ്യകാർമികത്വത്തിലും മാർഗനിർദേശത്തിലുമായിരുന്നു ചടങ്ങുകൾ.
പിതൃസ്മരണയോടെ നടന്ന ആചാരങ്ങളിൽ വിശ്വാസികൾ പങ്കെടുത്ത് പൂർവികർക്കായി ബലിതർപ്പണം നടത്തി. കേരളത്തിന്റെ ആചാരങ്ങളും ആത്മീയ പാരമ്പര്യവും ഓസ്ട്രേലിയൻ മണ്ണിൽ പുതുതലമുറയിലേക്കും പകർന്നുനൽകുന്നതിന്റെ ഭാഗമായാണ്, കാൻബറ അയ്യപ്പ സമാജം ചടങ്ങുകൾ ഭക്തിനിർഭരമായി സംഘടിപ്പിച്ചത്.