സുഹൃത്തുക്കളുടെ നഗ്നദൃശ്യങ്ങളടക്കം സമൂഹമാധ്യമങ്ങളിലൂടെ പ്രചിരിപ്പിച്ച യൂട്യൂബര് തൊപ്പിയുടെ അക്കൗണ്ട് നീക്കം ചെയ്തു. എറണാകുളം റൂറല് സൈബര് പൊലീസ് നല്കിയ റിപ്പോര്ട്ടിന്റെ അടിസ്ഥാനത്തിലാണ് യൂട്യൂബിന്റെ നടപടി. ഒളിവിലുള്ള തൊപ്പി മുനകൂര് ജാമ്യം തേടി കോടതിയെ സമീപിച്ചു.
കൗമാരക്കാരടക്കം പതിനായിരകണക്കിന് ഫോളോവേഴ്സുള്ള തൊപ്പിയെന്ന മുഹമ്മദ് നിഹാദിന്റെ അക്കൗണ്ടാണ് പൊലീസ് പൂട്ടിച്ചത്. ചാനലിലൂടെ നഗ്നദൃശ്യങ്ങളും അശ്ലീല ഉള്ളടക്കവും പങ്കുവെച്ചതായി പൊലീസ് അന്വേഷണത്തില് കണ്ടെത്തി. ഇതിന്റെ അടിസ്ഥാനത്തില് നല്കിയ റിപ്പോര്ട്ട് പ്രകാരമാണ് അക്കൗണ്ട് യൂട്യൂബ് നീക്കം ചെയ്തത്. സ്ത്രീകള്ക്കെതിരായ അധിക്ഷേപം, ലഹരിയുപയോഗത്തെ പ്രോത്സാഹിപ്പിക്കല് അങ്ങനെ കൗമാരക്കാരെ കുറ്റകൃത്യത്തിന് പ്രോത്സാഹിപപ്പിക്കുന്ന ഉള്ളടക്കങ്ങളാണ് തൊപ്പി പ്രചരിപ്പിച്ചിരുന്നത്. വിവിധ സ്റ്റേഷനുകളില് ഇത് സംബന്ധിച്ച് പരാതി എത്തിയതോടെയാണ് ഡിജിപി അന്വേഷണത്തിന് ഉത്തരവിട്ടത്. തൊപ്പിയോടൊപ്പം ഒരുകൂട്ടം സുഹൃത്തുക്കളും ചേര്ന്നാണ് കണ്ടന്റുകള് നല്കിയിരുന്നത്. എന്നാല് ഏതാനും ആഴ്ചകള്ക്ക് മുന്പ് തൊപ്പി ഗ്യാങില് അടിപൊട്ടി. ഇതിന് പിന്നാലെ വാടകവീട് കേന്ദ്രീകരിച്ച് നടക്കുന്ന ഇടപാടുകള് സുഹൃത്തുക്കള് തന്നെ പുറത്ത് പറഞ്ഞു.
വീട്ടില് ലഹരിമരുന്ന് സൂക്ഷിക്കുന്നുണ്ടെന്നും ഉപയോഗിക്കുന്നുണ്ടെന്നും വെളിപ്പെടുത്തല്. ഇതിന് മറുപടിയെന്ന നിലയിലാണി് സുഹൃത്തുക്കളുടെ അശ്ലീല ദൃശ്യങ്ങള് തൊപ്പി പുറത്തുവിട്ടത്. പോക്സോ വകുപ്പടക്കം ചുമത്താന് കഴിയുന്ന ദൃശ്യങ്ങളാണ് സമൂഹമാധ്യമ അക്കൗണ്ടിലൂടെ പ്രചരിപ്പിച്ചത്. അഭിഭാഷകനായ ശ്രീജിത് പെരുമനയുടെ പരാതിയിലാണ് എറണാകുളം റൂറല് പൊലീസിന്റെ അന്വേഷണ പുരോഗമിക്കുന്നത്. കേസെടുത്തതിന് പിന്നാലെ ഒളിവില് പോയ തൊപ്പി മൂന്കൂര് ജാമ്യം തേടി കോടതിയെ സമീപിച്ചു. തൊപ്പിയുടെ അപേക്ഷയെ ശക്തമായി എതിര്ക്കുകയാണ് പ്രോസിക്യൂഷന്. തൊപ്പിയുടേത് ഗുരുതരമായ കുറ്റകൃത്യമാണെന്നും പൊലീസ് ചൂണ്ടിക്കാട്ടുന്നു. സമാനകുറ്റത്യം തൊപ്പി തുടര്ച്ചയായി ആവര്ത്തിക്കുകയാണെന്നും പ്രോസിക്യൂഷന് വാദിച്ചു. എറണാകുളം സെഷന്സ് കോടതിയാണ് തൊപ്പിയുടെ മുന്കൂര് ജാമ്യാപേക്ഷ പരിഗണിക്കുന്നത്.
