Advertisement
മലപ്പുറം .അല്ലപിന്നെ വണ്ടി റോഡ് സൈഡില് ഇട്ടേക്കുന്നതിന് ഒരു പരിധിയില്ലേ, പയ്യന് കൊടുത്തപണിയില് വാഹന ഉടമ കുടുങ്ങി. കേടായതിനെ തുടർന്ന് വഴിയരികിൽ ഇട്ടിരുന്ന വാഹനം ഉടമ അറിയാതെ ആക്രി വിലക്ക് വിറ്റു.എടപ്പാളിൽ ആണ് സംഭവം.
വട്ടംകുളം സ്വദേശി പരീചി സിദ്ദിക്കിന്റെ വാഹനമാണ് വിറ്റത്.ലോറിയും മണ്ണ് മാന്തി യന്ത്രവുമായി എത്തിയ സംഘം വാഹനം കൊണ്ട്പോകുമ്പോഴാണ് ഉടമ വിവരം അറിഞ്ഞത്. പറഞ്ഞിട്ടും വാഹനം വാങ്ങിയ ആക്രി സംഘം കേള്ക്കേണ്ടേ, ഒടുവില് ചങ്ങരംകുളം പൊലീസ് ഇടപെട്ട് കാർ കൊണ്ട്പോകുന്നത് തടഞ്ഞു
21 വയസുകാരൻ ആണ് ഉടമ അറിയാതെ വാഹനം ആക്രി കച്ചവടക്കാർക്ക് വിറ്റത്.വാഹനം തന്റേതാണെന്ന് അവകാശപ്പെട്ടായിരുന്നു 21 വയസുകാരന്റെ കച്ചവടം. മധ്യസ്ഥ ചർച്ചക്ക് ഒടുവിൽ പ്രശ്നം അവസാനിപ്പിച്ചു മൂന്നു കൂട്ടരും തലയൂരി.
Advertisement
