തിരുവനന്തപുരം. ആലപ്പുഴയിലെ കുപ്രസിദ്ധ രക്ഷാപ്രവർത്തന കേസിന്റെ അന്വേഷണ അട്ടിമറിയിൽ എം.ആർ കുമാറിനെതിരെ നടപടിയുറപ്പ്. വിശദീകരണം നൽകാൻ കൂടുതൽ സമയം ചോദിച്ച എം ആർ അജിത് കുമാറിന്റെ ആവശ്യം ഡി.ജി.പി തള്ളി. എം ആർ അജിത് കുമാർ കഴിഞ്ഞദിവസം നൽകിയ മറുപടി ഇന്ന് ആഭ്യന്തരവകുപ്പിന് കൈമാറും.

ആലപ്പുഴയിൽ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രി പിണറായി വിജയൻറെ സുരക്ഷാ ഉദ്യോഗസ്ഥർ തല്ലി ചതച്ച
കേസിന്റെ അന്വേഷണം നടക്കുമ്പോൾ മുണ്ടക്കൈ ചൂരൽമല രക്ഷാപ്രവർത്തനത്തിന്റെ ഭാഗമായി വയനാടായിരുന്നുവെന്നാണ് എം ആർ അജിത് കുമാറിൻ്റെ വിശദീകരണം.
റിപ്പോർട്ടിലെ കണ്ടെത്തലുകൾക്ക്
ആറാം  നാളാണ് ഡിജിപിക്ക് വിശദീകരണം നൽകിയത്.
യാത്രാ രേഖകളും മറ്റു വിവരങ്ങളും പങ്കുവയ്ക്കാൻ കൂടുതൽ സമയവും
എ ഡി ജിപി എംആർ അജിത് കുമാർ ആവശ്യപ്പെട്ടിരുന്നു. എന്നാൽ
കൂടുതൽ വിശദീകരണം നൽകാൻ അനുവദിക്കണമെന്ന അജിത് കുമാറിന്റെ ആവശ്യം സംസ്ഥാന പോലീസ് മേധാവി തള്ളി.
നിയമവിരുദ്ധമായി കാര്യങ്ങൾ ചെയ്യുന്നവരെ സംരക്ഷിക്കില്ലെന്ന് ആഭ്യന്തര വകുപ്പ് മന്ത്രിയും വ്യക്തമാക്കി

അജിത് കുമാറിന്റെ വിശദീകരണം പരിശോധിച്ചതിന് ശേഷം ഡിജിപി റിപ്പോർട്ട് ആഭ്യന്തര സെക്രട്ടറിക്ക് കൈമാറും.
റിപ്പോർട്ട് ലഭിച്ചാലുടൻ അജിത് കുമാറിനെതിരെ ആഭ്യന്തര വകുപ്പ് നടപടിയെടുക്കും.

അജിത് കുമാറിന് പുറമേ കേസ് അട്ടിമറിക്കാൻ കൂട്ടുനിന്ന എഡിജിപിയുടെ ഓഫീസിലെ രണ്ടു ഗ്രേഡ് എസ് ഐ മാർക്കെതിരെയും നടപടി ഉണ്ടായേക്കും .

ആലപ്പുഴ : ആലപ്പുഴയിൽ മുൻ മുഖ്യമന്ത്രിയുടെ ഗൺമാന്മാർ യൂത്ത് കോൺഗ്രസ് പ്രവർത്തകരെ മർദ്ദിച്ച കേസ് അട്ടിമറിച്ചുവെന്ന പരാതിയിൽ വിശദീകരണം നൽകി എ ഡി ജിപി എംആർ അജിത് കുമാർ. ഡിജിപിക്ക് വിശദീകരണം എഴുതി നൽകുകയായിരുന്നു. മറുപടി പരിശോധിച്ച ശേഷം ഡിജപി റിപ്പോർട്ട് ഇന്ന് സർക്കാരിന് കൈമാറും. ഡിജിപി സ്ഥാനക്കയറ്റത്തിനുള്ള സ്ക്രീനിങ് കമ്മിറ്റി ചേരാനിരിക്കെ സർക്കാരിന്‍റെ തുടർനടപടി നിർണായകമാണ്. എസ്ഐടി റിപ്പോ‍ർട്ടിൻെറ അടിസ്ഥാനത്തിലാണ് അജിത് കുമാറിനോട് ഈ മാസം 16ന് ഡിജിപി വിശദീകരണം തേടിയത്. 21ന് തിരുവനന്തപുരത്ത് മടങ്ങി എത്തിയ ശേഷം മറുപടി നൽകാമെന്നാണ് അജിത് കുമാർ ഡിജിപിയെ അറിയിച്ചിരുന്നത്. ഇതനുസരിച്ചാണ് ഇന്ന് മറുപടി നൽകിയത്. അജിത് കുമാറിൻെറ മറുപടി കൂടി പരിശോധിച്ച ശേഷമായിരിക്കും ഡിജിപി സർക്കാറിന് ശുപാർശ നൽകുക. അജിത് കുമാറിനെ ഡിജിപിയാക്കാനുള്ള സ്ക്രീനിംഗ് കമ്മിറ്റി യോഗം ചേരാനുള്ള നടപടികള്‍ പുരോഗമിക്കുന്നതിനിടെയാണ് ശുപാർശ സർക്കാരിന് മുന്നിലേക്ക് എത്തുന്നത്. റിപ്പോർട്ടും റിപ്പോർട്ടിന്മേൽ സർക്കാറിൻറെ തുടർനടപടിയുമാണ് നിർണായകം.

അജിത് കുമാറിനെ രക്ഷിക്കാൻ സര്‍ക്കാരിൽ ശ്രമമോ?

രക്ഷാപ്രവര്‍ത്തനക്കേസ് അട്ടിമറിയിൽ അജിത് കുമാറിനെ രക്ഷിക്കാൻ സര്‍ക്കാരിൽ ശ്രമമോയെന്ന ആരോപണവും സംശയവും കോണ്‍ഗ്രസിലെ ഒരു വിഭാഗം ഉയര്‍ത്തുന്നുണ്ട്. ഇതിനിടെയാണ് എസ്ഐടി പുതുക്കിയ റിപ്പോര്‍ട്ട് കഴിഞ്ഞ ദിവസം സമര്‍പ്പിച്ചത്. അജിത് കുമാറിന്റെ പങ്ക് കൂടുതൽ വ്യക്തമാക്കിയാണ് റിപ്പോര്‍ട്ട് നൽകിയതെന്നാണ് വിവരം. പിണറായിയുടെ ഗണ്‍മാനെ രക്ഷിക്കാൻ കേസ് ഡയറി തിരുത്തിയപ്പോള്‍ ഓഫീസിൽ അജിത് കുമാര്‍ ഉണ്ടായിരുന്നില്ലെന്നതിൽ ഉള്‍പ്പടെയാണ് സംശയമാണ് ഉയര്‍ത്തിയത്.