പത്തനാപുരം: ആംബുലൻസിൽ കടത്തിയ നാല് കിലോ കഞ്ചാവുമായി രണ്ട് പേരെ പൊലീസ് പിടികൂടി. കറവൂർ സ്വദേശി വിഷ്ണു, പുനലൂർ സ്വദേശി നസീർ എന്നിവരാണ് പിടിയിലായത്. കഴിഞ്ഞ ഒരാഴ്ചയായി ഇവർ പൊലീസ് നിരീക്ഷണത്തിലായിരുന്നു. ശനിയാഴ്ച രാത്രി 7.30 ഓടെ പത്തനാപുരം പിടവൂര്‍ ജങ്ഷന് സമീപം ആംബുലന്‍സിനെ പിൻതുടർന്നാണ് അന്വേഷണസംഘം കഞ്ചാവ് സംഘത്തെ പിടികൂടുകയത്. പുനലൂരിലേക്ക് കഞ്ചാവ് കടത്തുന്നതിനിടെയാണ് സംഘം പിടിയിലായത്.
പുനലൂർ താലൂക്ക് ആശുപത്രിക്ക് സമീപം സര്‍വീസ് നടത്തുന്ന ആംബുലൻസിലാണ് കഞ്ചാവ് കടത്തിയത്.
Advertisement
