മൈനാഗപ്പള്ളി: മൈനാഗപ്പള്ളി ശ്രീചിത്തിരവിലാസം യുപി സ്കൂളിലെ ചിത്തിര മെറിറ്റ് അവാർഡ് വിതരണവും രക്ഷകർത്തൃ സംഗമവും നടന്നു.എസ് എസ് എൽ സി, പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ സ്കൂളിലെപൂർവ്വ വിദ്യാർഥികൾക്കും എൽ എസ് എസ്,യു എസ്, എസ് സ്കോളർഷിപ്പിന് അർഹത നേടിയ കുട്ടികൾക്കുമാണ് അവാർഡ് നൽകിയത്. സ്കൂൾ മാനേജ്മെന്റ് ആണ് അവാർഡ് ഏർപ്പെടുത്തിയിരിക്കുന്നത്.കഴിഞ്ഞ 20 വർഷമായി ചിത്തിര മെറിറ്റ് അവാർഡുകൾ നൽകിവരുന്നു.
ഈ വർഷം എല്ലാ വിഭാഗങ്ങളിലുമായി 52 കുട്ടികൾ ചിത്തിര മെറിറ്റ് അവാർഡിന് അർഹരായി. സ്കൂൾ മാനേജർ കല്ലട ഗിരീഷ് അവാർഡുകൾ വിതരണം ചെയ്തു രക്ഷകർത്തൃ സംഗമം മൈനാഗപ്പള്ളി പഞ്ചായത്ത് വൈസ് പ്രസിഡന്റ് കെ പി വേണുഗോപാൽ ഉദ്ഘാടനം ചെയ്തു പി ടി എ പ്രസിഡന്റ് അർഷാദ് മന്നാനി അധ്യക്ഷനായിരുന്നു ഗ്രാമപഞ്ചായത്ത് മെമ്പർ ജെ റഹിയാനത്ത്,പ്രഥമ അധ്യാപിക എസ് ജയലക്ഷ്മി,സ്കൂൾ മാനേജർ കല്ലട ഗിരീഷ്, SRG കൺവീനർ രശ്മി രവി,എം പി ടി എ പ്രസിഡന്റ് റസീന, പി ടിഎ വൈസ് പ്രസിഡന്റ് റോഷൻ, സ്റ്റാഫ് സെക്രട്ടറി ബി എസ് സൈജു, ഉണ്ണി ഇലവിനാൽ, അനന്തകൃഷ്ണൻ, പ്രീതാദേവി തുടങ്ങിയവർ പ്രസംഗിച്ചു
