ശാസ്താംകോട്ട: കരിക്കം ഇന്റർനാഷണൽ പബ്ലിക് സ്കൂളിൽ സംഘടിപ്പിച്ച കൊല്ലം സഹോദയ ഇംഗ്ലീഷ് ലിംഗ്വാ ഫെസ്റ്റ്–2026 ൽ ബ്രൂക് ഇന്റർനാഷണൽ സ്കൂൾ ഓവറോൾ ചാമ്പ്യൻമാരായി. സഹോദയയ്ക്ക് കീഴിലുള്ള പ്രമുഖ വിദ്യാലയങ്ങളിലെ പ്രതിഭകളുമായി നടന്ന കടുത്ത മത്സരത്തിൽ 245 പോയിന്റുകൾ നേടിയാണ് ബ്രൂക് ഇന്റർനാഷണൽ സ്കൂൾ കിരീടം സ്വന്തമാക്കിയത്.
യഥാക്രമം 243,229 പോയിന്റുകൾ നേടി.സെന്റ് ജോൺസ് സ്കൂൾ അഞ്ചൽ ഫസ്റ്റ്റണ്ണറപ്പും,സർവ്വോദയ സെൻട്രൽവിദ്യാലയം നാലാഞ്ചിറ, സെക്കൻഡ് റണ്ണറപ്പും നേടി. .മത്സരത്തിലെ വിവിധ വിഭാഗങ്ങളിലായി സ്കൂൾ ശ്രദ്ധേയ പ്രകടനമാണ് കാഴ്ചവെച്ചത്. കാറ്റഗറി 1ൽ സെക്കന്റ് റണ്ണറപ്പും, കാറ്റഗറി 2,4 ചാമ്പ്യൻമാരുമായി.വിദ്യാർത്ഥികളിലെ ഭാഷാനൈപുണ്യവും സാഹിത്യാഭിരുചിയും ആശയവിനിമയശേഷിയും വളർത്തിയെടുക്കുക എന്ന ലക്ഷ്യത്തോടെയാണ് ഇത്തരത്തിലുള്ള മത്സരങ്ങൾ സംഘടിപ്പിക്കുന്നതെന്ന് സ്കൂൾ ഡയറക്ടർ ഫാ. ഡോ. ജി. എബ്രഹാം തലോത്തിൽ പറഞ്ഞു. അധ്യാപകരുടെയും രക്ഷിതാക്കളുടെയും വിദ്യാർത്ഥികളുടെയും കൂട്ടായ പരിശ്രമത്തിന്റെ ഫലമാണ് ഈ നേട്ടമെന്നും അദ്ദേഹം കൂട്ടിച്ചേർത്തു
