തൃശൂര്: മുഖ്യമന്ത്രി വി ഡി സതീശന് ശനിയാഴ്ച രാത്രി ഗുരുവായൂര് ശ്രീകൃഷ്ണക്ഷേത്രത്തില് ദര്ശനം നടത്തി.മുഖ്യമന്ത്രിയായി ചുമതലയേറ്റശേഷം രണ്ടാം തവണയാണ് അദ്ദേഹം ഗുരുവായൂര് ക്ഷേത്രം സന്ദര്ശിക്കുന്നത്.
രാത്രി എട്ടുമണിയോടെയാണ് അദ്ദേഹം ക്ഷേത്രത്തിലെത്തിയത്. ഉച്ചതിരിഞ്ഞ് ബംഗളൂരുവില് നിന്ന് നെടുമ്പാശേരി വിമാനത്താവളത്തിലെത്തിയ മുഖ്യമന്ത്രി, തുടര്ന്ന് തൃശൂര് ജില്ലയിലെ കയ്പമംഗലത്ത് നടന്ന ഒരു കണ്വെന്ഷന് സെന്ററിന്റെ ഉദ്ഘാടനച്ചടങ്ങില് പങ്കെടുത്ത ശേഷമാണ് ഗുരുവായൂരിലെത്തിയത്.
പതിവ് ക്ഷേത്രാചാരങ്ങള് പാലിച്ച് ശ്രീ ഗുരുവായൂരപ്പനെ തൊഴുത മുഖ്യമന്ത്രി പിന്നീട് കാര്യാലയ ഗണപതിയെയും ദര്ശിച്ചു. ക്ഷേത്രത്തിനകത്തും പുറത്തും മുഖ്യമന്ത്രിയെ കാണാന് നിരവധി ഭക്തര് എത്തിയിരുന്നു. അദ്ദേഹത്തെ അഭിവാദ്യം ചെയ്യാനെത്തിയവരുമായി മുഖ്യമന്ത്രി ഹസ്തദാനം നടത്തുകയും ചിലര്ക്കൊപ്പം സെല്ഫിക്ക് സമയം അനുവദിക്കുകയും ചെയ്തു.
ദര്ശനശേഷം ശ്രീവല്സം ഗസ്റ്റ് ഹൗസിലെത്തിയ മുഖ്യമന്ത്രിയെ കോണ്ഗ്രസ് നേതാക്കളും പ്രവര്ത്തകരും സന്ദര്ശിച്ചു.