ഓപ്പറേഷൻ തണ്ടറിന്റെ ഭാഗമായി ഓണം സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ 5 ഗഞ്ചാവ് ചെടികളും 20 ഗ്രാം കഞ്ചാവും  പിടികൂടി
  
  കരുനാഗപ്പള്ളി എക്സൈസ് റേഞ്ച്  ഇൻസ്പെക്ടർ കെ ബിജു വിന്റെ നേതൃത്വത്തിൽ കരുനാഗപ്പള്ളി തഴവ , കടത്തൂർ  ദേശത്ത് നടത്തിയ പരിശോധനയിൽ 5 ഗഞ്ചാവ് ചെടികൾ വീട്ടിൽ നട്ട് പരിപാലിച്ചതിനും 20 ഗ്രാം  ഗഞ്ചാവ് കൈവശം വച്ച് കൈകാര്യം ചെയ്തതിനും കരുനാഗപ്പള്ളി തഴവ കടത്തൂർ കാട്ടയ്യത്ത്  വീട്ടിൽ   റാഷിദ് (26  വയസ്സ് ) നെ അറസ്റ്റ് ചെയ്‌ത്‌ കേസെടുത്തു. 

പരിശോധനയിൽ അസിസ്റ്റന്റ് എക്‌സൈസ് ഇൻസ്‌പെക്ടർ കെ ഷാജി,എക്‌സൈസ് ഇൻസ്‌പെക്ടർ(ഗ്രേഡ് )രഘു കെ ജി,അസിസ്റ്റന്റ് എക്‌സൈസ് ഇൻസ്‌പെക്ടർ(ഗ്രേഡ് )അജയകുമാർ പി എ സിവിൽ എക്സൈസ് ഓഫീസർമാരായ ചാൾസ് എച്ച് , ഗോപകുമാർ ജി , ഹരിപ്രസാദ് വനിതാ സിവിൽ എക്സൈസ് ഓഫിസർ മോളി വി അസിസ്റ്റന്റ് എക്‌സൈസ് ഇൻസ്‌പെക്ടർ ഡ്രൈവർ അബ്‌ദുൾ മനാഫ് എ എന്നിവർ  പങ്കെടുത്തു.  കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. പത്ത് വർഷം വരെ തടവും ഒരു ലക്ഷം രൂപ വരെ ശിക്ഷയും ലഭിക്കുന്ന കുറ്റമാണ്.

ഓപ്പറേഷൻ തണ്ടറിന്റെ ഭാഗമായി  വിപുലമായ പരിശോധനകളാണ് കരുനാഗപ്പള്ളി എക്‌സൈസ് റേഞ്ച് ഓഫീസ് നടത്തിവരുന്നത് ഓപ്പറേഷൻ തണ്ടർ, തൂഫാൻ എന്നിവയുടെ ഫലമായി അന്യ സംസ്ഥാനത്ത് നിന്നുമുള്ള ലഹരിവസ്തുക്കളുടെ വരവ് നിലച്ചതിനാൽ സ്വന്തം ഉപയോഗത്തിനായിട്ടാണ് ടി പ്രതി കഞ്ചാവ് നട്ട് വളർത്തിയത്. മദ്യം, മയക്കുമരുന്ന് എന്നിവയെ സംബന്ധിച്ച വിവരങ്ങൾ 04762630831, 9400069456 എന്നീ നമ്പറുകളിൽ അറിയിക്കാവുന്നതാണ്.

സമാനതകളില്ലാത്ത ചെറുത്ത് നിൽപാണ് രാജ്യത്തിന്റെ സ്വാതന്ത്ര്യത്തിലേക്ക് നയിച്ചതെന്ന് വനം, വന്യജീവി -നൈപുണ്യ വികസന വകുപ്പ് മന്ത്രി ഷിബു ബേബി ജോൺ. ജീവനും ജീവിതവും രാജ്യത്തിനായി സമർപിച്ച അനേകരുടെ ത്യാഗത്തിന്റെ ഫലമായി ലഭിച്ചതാണ് സ്വാതന്ത്ര്യം – ആശ്രാമം മൈതാനത്ത് 80-മത് സ്വാതന്ത്ര്യദിനാഘോഷ പരിപാടിയിൽ പതാക ഉയർത്തി അഭിവാദ്യം സ്വീകരിച്ച് സംസാരിക്കുകയായിരുന്നു മന്ത്രി.

ജനാധിപത്യവും മതേതരത്വവും മഹാവൃക്ഷ സമാനമായി രാജ്യത്ത് നിലനിൽക്കുന്നു.
പ്രകൃതിദുരന്തങ്ങൾ വിട്ടുപോയിട്ടില്ലാത്ത പശ്ചാത്തലത്തിലെ സ്വാതന്ത്യദിനത്തിലും ദുരന്തങ്ങൾക്കെതിരെ മുൻകരുതലെടുക്കുകയാണ്. വന്യമൃഗ ഭീഷണിയിൽ നിന്ന് സംരക്ഷണം ഒരുക്കാൻ ശ്രമങ്ങൾ തുടരുകയാണ്. ദുരന്തമുഖത്തേക്ക് സ്വമേധയാ രംഗത്ത് എത്തിക്കൊണ്ടിരിക്കുന്ന മത്സ്യ തൊഴിലാളികളിൽ പ്രതീക്ഷ അർപിക്കുകയാണ് നാട് എന്നും മന്ത്രി പറഞ്ഞു.

രാവിലെ ഒമ്പതിന് ഔദ്യോഗികപരിപാടിക്ക് തുടക്കമായി. മൈതാനത്തെത്തിയ മന്ത്രിയെ ജില്ലാ കലക്ടർ ആനി ജൂല തോമസ് സ്വീകരിച്ചു.

പൊലീസ്, എക്‌സൈസ്, ഫോറസ്റ്റ്, സ്റ്റുഡന്റ് പോലീസ്, എന്‍.സി.സി, സ്‌കൗട്ട് ആന്‍ഡ് ഗൈഡ്‌സ്, ജൂനിയര്‍ റെഡ്‌ക്രോസ് ഉള്‍പ്പെടെ 23 പ്ലറ്റൂണുകള്‍ പരേഡില്‍ അണിനിരന്നു. ജിഎച്ച്എസ് പൂയപ്പള്ളി, ക്രിസ്തുരാജ് എച്ച്എസ്എസ്, എസ്പിസി കൊല്ലം, ഇൻഫാന്റ്  ജീസസ് ആംഗ്ലോ ഇന്ത്യൻ എച്ച് എസ് എസ് എന്നിവയിലെ ബാന്‍ഡ് പ്ലറ്റൂണുകൾ പരേഡിന് മികവേകി.

ജില്ലാ പോലീസ് ആസ്ഥാനം റിസർവ് ഇൻസ്പെക്ടർ കെ മഹേഷ് പരേഡ് നയിച്ചു. ഡി.എച്ച്.ക്യു ക്യാമ്പിലെ സബ് ഇന്‍സ്‌പെക്ടര്‍ വി. ദിനേശായിരുന്നു സെക്കന്റ് ഇന്‍ കമാൻടന്റ്. പരേഡിൽ പങ്കെടുത്ത പ്ലറ്റൂണുകള്‍ക്ക് മന്ത്രി മെമെന്റോ സമ്മാനിച്ചു. സർക്കാർ ടി.ടി.ഐയിലെ സംഘത്തിന്റെ ദേശീയ ഗാനാലാപനത്തോടെ ചടങ്ങുകള്‍ അവസാനിച്ചു. പൂർണമായും ഹരിതച്ചട്ടവും പാലിച്ചായിരുന്നു പരിപാടി സംഘടിപ്പിച്ചത്.

സിറ്റി പോലീസ് കമ്മിഷണർ ഹേമലത, റൂറൽ എസ് പി ഷാജി സുഗുണൻ എന്നിവരും അഭിവാദ്യം സ്വീകരിച്ചു. 

മേയർ എ കെ ഹഫീസ് , ജില്ലാ പഞ്ചായത്ത്‌ പ്രസിഡന്റ്‌ ആർ ലതാദേവി,സബ് കലക്ടർ അഖിൽ വി. മേനോൻ,   ഡെപ്യൂട്ടി മേയർ ഡോ കരുമാലിൽ ഉദയാ സുകുമാരൻ, എഡിഎം എസ് സജീദ്, കൊല്ലം തഹസിൽദാർ  എ.എസ്. അജിലാൽ, ജില്ലാതല ഉദ്യോഗസ്ഥർ തുടങ്ങിയവർ പങ്കെടുത്തു.