ചെന്നൈ. വൻ കവർച്ച. ആവഡിക്ക് സമീപം മുത്താപുതുപേട്ടിൽ ജ്വല്ലറി ഉടമയെ തോക്ക് ചൂണ്ടി ഭീഷണിപ്പെടുത്തി ഒന്നരക്കോടി രൂപയുടെ സ്വർണം കവർന്നു. കാറിലെത്തിയ നാലംഗ സംഘമാണ് കവർച്ചക്ക് പിന്നിൽ. പോലീസ് അന്വേഷണം തുടങ്ങി.
ആവഡിക്ക് സമീപം മുത്താപുതുപേട്ടിലെ കൃഷ്ണ ജ്വല്ലറിയിൽ നിന്നാണ് ഒന്നരക്കോടി കോടി രൂപയുടെ സ്വർണാഭരണങ്ങൾ കവർന്നത്. കടയുടമയെ തോക്ക് ചൂണ്ടി ഭീഷണിപ്പെടുത്തി കൈകാലുകൾ ബന്ധിച്ച ശേഷമാണ് മോഷണം നടത്തിയത്. നമ്പർ പ്ലേറ്റില്ലാത്ത കാറിലെത്തിയ നാലംഗ സംഘമാണ് കവർച്ചക്ക് പിന്നിൽ. സംഭവത്തിൽ മുത്താപുതുപേട്ട് പോലീസ് കേസെടുത്തു. 5 സ്ക്വാഡുകൾ രൂപീകരിച്ച് അന്വേഷണം ആരംഭിച്ചതായി ആവഡി ഡെപ്യൂട്ടി കമ്മീഷണർ അയ്മൻ ജമാൽ പറഞ്ഞു. കവർച്ചയ്ക്ക് ഉപയോഗിച്ച വാഹനം തിരിച്ചറിഞ്ഞിട്ടുണ്ട്. സിസിടിവി ദൃശ്യങ്ങൾ കേന്ദ്രീകരിച്ച് പ്രതികൾക്കായുള്ള അന്വേഷണം പുരോഗമിക്കുകയാണ്
Advertisement
