അമൃതപുരി : മാതാ അമൃതാനന്ദമയി മഠത്തിലെ മുതിര്ന്ന സംന്യാസവര്യനും അമൃത ആയുര്വ്വേദ കോളജ് ഡീനും അമൃത അയുര്വ്വേദ ആശുപത്രി മെഡിക്കല് ഡയറക്ടറുമായിരുന്ന സ്വാമി ശങ്കരാമൃതാനന്ദപുരിയ്ക്ക് അന്ത്യാഞ്ജലി. കൊച്ചി അമൃത ആശുപത്രിയില് ചികിത്സയിലായിരിക്കെ തിങ്കളാഴ്ച സമാധിയായ സ്വാമിയുടെ മൃതശരീരം ഇന്നലെ രാവിലെ 10-ഓടെ അമൃതപുരിയില് എത്തിച്ചു. തുടര്ന്ന് പൊതു ദര്ശനത്തിന് വെച്ച മൃതദേഹത്തില് മാതാ അമൃതാന്ദമയി മഠത്തിലെ മുതിര്ന്ന സ്വാമിമാരും സ്വാമിനിമാരും ബ്രഹ്മചാരി ബ്രഹ്ചാരിണിമാരും ആശ്രമ അന്തേവാസികളും ആയുര്വേദ കോളജിലെയും ആശുപത്രിയിലെയും ജീവനക്കാരും വിദ്യാര്ത്ഥികളും അടക്കം നിരവധി പേര് അന്ത്യോപചാരം അര്പ്പിച്ചു.