കൊല്ലം: പെരിനാട് കലാവേദിയുടെ ആഭിമുഖ്യത്തില് സംഘടിപ്പിക്കുന്ന തൃശൂര് പുലികളി 6ന് കടവൂരില്നിന്ന് ആരംഭിച്ച് അഞ്ചാലുംമൂട്ടില് സമാപിക്കും. തൃശൂരില്നിന്ന് 40ഓളം പുലികളി കലാകാരന്മാരും 25 മേളക്കാരും 15-ഓളം മെയ്യെഴുത്തുകാരുമടക്കം നൂറോളം പേര് പങ്കെടുക്കും.
രാവിലെ എട്ടിന് ശ്രീമുരുകന്പിള്ള ഭൂതക്കാവില് മെയ്യെഴുത്ത് ഉദ്ഘാടനം ചെയ്യും. ഉച്ചയ്ക്ക് 2.30ന് കോട്ടയ്ക്കകം എന്എസ്എസ്. കരയോഗം ഗ്രൗണ്ടില്നിന്ന് ‘പുലിയിറക്കം’ നടക്കും. തുടര്ന്ന് വൈകിട്ട് മൂന്നിന് തൃക്കടവൂര് ശ്രീമഹാദേവ ക്ഷേത്രത്തിന് മുന്നില്നിന്ന് പുലികളി ആരംഭിക്കും. ജില്ലാ പഞ്ചായത്ത് വൈസ് പ്രസിഡന്റ് അരുണ് ബാബു ഫ്ലാഗ് ഓഫ് ചെയ്യും. കൗണ്സിലര്മാരായ റീജ സുഗുണന്, ധന്യ രാജു, ആര്. മഹേഷ്, ബി. പ്രശാന്ത് എന്നിവര് പങ്കെടുക്കും.
രാത്രി ഏഴിന് അഞ്ചാലുംമൂട് ഗവണ്മെന്റ് ഹയര് സെക്കന്ഡറി സ്കൂളില് നടക്കുന്ന സമാപന സമ്മേളനം തൊഴില്, വനിതാ-ശിശുക്ഷേമ വകുപ്പ് മന്ത്രി അഡ്വ. ബിന്ദു കൃഷ്ണ ഉദ്ഘാടനം ചെയ്യും. എന്.കെ. പ്രേമചന്ദ്രന് എം.പി., മേയര് എ.കെ. ഹഫീസ്, വികസനകാര്യ സ്റ്റാന്ഡിങ് കമ്മിറ്റി ചെയര്മാന് എം.എസ്. ഗോപകുമാര് തുടങ്ങിയവര് പങ്കെടുക്കും.
കലാവേദി ചെയര്മാന് ആര്. സജീവ് കുമാര് അധ്യക്ഷനാകും. സെക്രട്ടറി പി.ആര്. ബിജു സ്വാഗതവും വനിതാരംഗം സെക്രട്ടറി അനുപമ ബിജു നന്ദിയും പറയും. വാര്ത്താസമ്മേളനത്തില് പ്രോഗ്രാം കമ്മിറ്റി ചെയര്മാന് ആര്. സജീവ് കുമാര്, സെക്രട്ടറി പി.ആര്. ബിജു, ആര്. ബിജു, കെ.എസ്. സജി, ആര്. രതീഷ് എന്നിവര് പങ്കെടുത്തു.